იქნებ, არ იცით ის პრიორიტეტები, რომლითაც პარტნიორი უნდა შეარჩიოთ. როგორი უნდა იყოს ის, ვისთანაც ბედნიერი იქნებით. გულახდილად უპასუხეთ შეკითხვებს:
პასუხებისთვის „ა“ – დაიწერეთ 1 ქულა;
პასუხებისთვის „ბ“ – 2 ქულა;
პასუხებისთვის „გ“ – 3 ქულა. შემდეგ დაითვალეთ და ნახეთ შედეგები.
1. როგორი დამოკიდებულება აქვს თქვენს რჩეულს თქვენ მიმართ?
ა) ის ზრუნავს ჩემზე, ყურადღებიანია და პასუხისმგებლიანი;
ბ) მისთვის ჩემს აზრს მნიშვნელობა აქვს. ყველაფერზე მეთათბირება;
გ) ჩვენ სრულფასოვანი პარტნიორები ვართ.
2. როგორ ატარებთ გამოსასვლელ დღეებს?
ა) მირეკავს და მეუბნება – მზად ხარ? წავიდეთ მეგობრებთან, გავერთოთ;
ბ) ძირითადად, მე ვზრუნავ იმაზე, როგორ გავატაროთ დასვენების დღეები. მე მოვიფიქრებ ხოლმე;
გ) მთელი  კვირის განმავლობაში  ერთად ვადგენთ გეგმას.
3. როცა მომავალზე ფიქრობთ, ძირითადად, აზროვნებთ ასე:
ა) ბოლოს და ბოლოს, როდის ვიქნებით სულ ერთად – დღეც და ღამეც;
ბ) კარგი იქნება, თუ ყოველთვის ყველაფერს ერთად გავაკეთებთ;
გ) ჩვენ ერთად კარგად ვართ. ასე იქნება ყოველთვის.
4. რომ შეგეძლოთ, რამეს შეცვლიდით პარტნიორში?
ა) ალბათ, არა. მხოლოდ ვისურვებდი, ასეთად დარჩენილიყო.  ყველაფრით კარგია;
ბ) ვეცდებოდი, ცოტა აზრზე მომეყვანა. ძალიან დაფრინავს. მზად არის, ყველას დაუჯეროს ჩემ გარდა;
გ) მინდა, ხშირად მაგრძნობინოს, რომ ვუყვარვარ და ჩემზე ზრუნავს. ეს ხომ მნიშვნელოვანია.
ნახეთ შედეგები:
4-6 ქულა: თქვენ ისეთი პარტნიორი გჭირდებათ, რომელიც თქვენზე იზრუნებს. სხვანაირად თავს კომფორტულად ვერ იგრძნობთ. ეგოისტ მეწყვილესთან თქვენი ურთიერთობა დიდხანს არ გაგრძელდება. თან, გულიც გეტკინებათ.
7-9 ქულა: თუ თქვენი პარტნიორი ფანტაზიით აღსავსე და მხიარული არ არის, მასთან ძალიან მოიწყენთ. გჭირდებათ ის, ვინც ყველა დღეს დღესასწაულად გიქცევთ.
10-12 ქულა. ისეთი ხართ, რომ ყველას თქვენ გვერდით ყოფნა უნდა. ადამიანებს მაგნიტივით იზიდავთ. ამიტომ, გვერდით ისეთი ვინმე გჭირდებათ, ვისაც მეგობრებთან ურთიერთობა უყვარს, კომუნიკაბელური, დამოუკიდებელი და ღირსებით სავსეა. ის, ვინც თქვენზე შთაბეჭდილებას მოახდენს.