ანუ ფეხის გაშლას დანატრულები

ერთი მხრივ, აზერბაიჯანელმა პარლამენტარმა მოუწოდა თავის მოქალაქეებს (მას შემდეგ, რაც მანათი მცურავ კურსზე გადავიდა), რაკი კრიზისია, ჭამის რაციონი შეზღუდეთო (ბოსტნეული სასარგებლოცაა ორგანიზმისთვის და ტანკენარობასაც შეინარჩუნებთო), მეორე მხრივ, რუსმა დეპუტატებმა გადაწყვიტეს, გატანადდნენ.
კერძოდ, სახელმწიფო სათათბიროს წევრები მუშაობის პროცესში ტექნიკურ შესვენებებს გამოაცხადებენ, რათა წაივარჯიშონ!
მომყავს ციტატა: „16-დან 20 საათამდე ჯდომა წარმოუდგენელია, ამიტომ 30-წუთიან ტექნიკურ შესვენებებს გამოვაცხადებთ“, რომ ფეხი გავშალოთო (და ხელიც მივაყოლოთო).
მეტიც, რუს დეპუტატ ქალებს სხვა გასაჭირიც ჰქონიათ, სხდომა 18 საათის ნაცვლად, 20 საათზე დასრულდა, ჩვენ კი ქმრები გვყავს სახლში დასაპურებელიო. ამას გარდა, დარბაზში ცუდი განათება და ვენტილაციააო (სამაგიეროდ, აქვთ ბირთვული ქობინები!).
რასაკვირველია, თავიანთი საქმისა თავად უწყიან, თუმცა აი, ის კი საინტერესოა, სპორტულ ტრუსებში გამოეწყობიან თუ არა?! –