– რას შვრებით, როგორ ხართ? გავიგე, ძალიან ცელქი ბავშვები გყოლიათ, წამით არ ისვენებენო..
–  ხო, გადავიღალეთ, აღარც ღამით გვძინავს და მთელი დღე ბავშვებს დავდევთ. ვერც გამოძინებას ვასწრებთ და ვეღარც საკუთარი თვისთვის გვრჩება დრო.
–  და, მაია როგორ არის?
–  მაია მე ვარ, გიორგი უფრო ცუდად გამოიყურება.
***
მიხო მივიდა სტომატოლოგთან და ეკითხება:
– ექიმო, კბილის ამოღება ანესთეზიით უფრო იაფია თუ ანესთეზიის გარეშე?
– რა თქმა უნდა, ანესთეზიის გარეშე.
– მაშინ, ამაიღეთ ანესთეზიის გარეშე.
– ძალიან მტკივნეული იქნება, წინასწარ გაფრთხილებთ.
– არა უშავს, – უთხრა მიხომ სტომატოლოგს და დერეფანში მაროს გასძახა:
– ქალო, შამაიყვანე დედაშენი, ექიმს უკვე მოველაპარაკე ფასზე.
***
კაცმა დანაშაული ჩაიდინა და სასამართლოზე, მოსამართლე ფიქრობს, რა სასჯელი მიუსაჯოს.
–  დავხვრიტოთ! – წამოიძახა მსაჯულმა.
–  ჩამოვახრჩოთ! – თქვა მეორემ.
–  დენით ვაწამოთ! – ყვირის მესამე.
– გურული ცოლი მოვაყვანინოთ! – დაიძახა მეოთხემ.
მოსამართლე წამოხტა ფეხზე:
– მოიცათ, კაცო, ისეთიც არაფერი ჩაუდენია, გურული ქალი რომ მოვაყვანინოთ ცოლად.
***
ბიჭს გოგო მოეწონა და უნდა, მისი პატიოსნობა დაადგინოს:
– მარი, შენ ბიჭებთან გახსნილი ურთიერთობა გაქვს თუ ჩაკეტილი?
– სკვაზნოი!
***
კახელი ქათამი ეუბნება გურულ ქათამს:
– შენ რა ქათამი ხარ? შენი მოცუცქნული კვერცხი 10 თეთრი ღირს, ჩემი – ოცი.
– იცი, რას გეტყვი, ნენა? რაცხა 10 თეთრის გულობიზა, ვერ გევიხევი მე ერთ ადგილზე!
***
სიტუაცია სამარშრუტო ტაქსიში, როცა ბავშვს ხელი აქვს ფანჯრიდან გადაყოფილი:
თბილისი – შემოყავი, ბავშვი, ხელი, რამე არ იტკინო.
თელავი – შემოწიე ხელი, შე შობელძაღლო, არ მაიტეხო.
ქუთაისი – შემოყავი, ბიძია, ხელი თორემ, ხვალ რა ჩემ ფეხებს გადაყოფ, დევინახავ ერთი.
***
ქალის ოცნება ასაკის მატებასთან ერთად:
16 წლის – პრინცი თეთრ რაშზე ამხედრებული.
20 წლის – პრინცი რაშზე ამხედრებული, ცხენის ფერს მნიშვნელობა არ აქვს.
25 წლის – პრინცი ვირზე.
30 წლის – პრინცი ფეხით მოსიარულე.
35 წლის – პრინცი მეჯინიბე.
40 წლის – ნებისმიერი მეჯინიბე.
***
– როგორ ხარ?
–  ცუდად.
–  რატომ?
–  ძმაკაცს ხუთი ათასი დოლარი ვასესხე პლასტიკური ოპერაციის გასაკეთებლად და ახლა ვეღარ ვცნობ.
***
– ძვირფასო, ვახშმად რა გვაქვს?
– არაფერი.
– გუშინაც არაფერი გვქონდა.
– ხო, ორი დღით მოვამზადე.