კატალოგი
პოლიტიკა
ინტერვიუები
ამბები
საზოგადოება
მოდი, ვილაპარაკოთ
მოდა + დიზაინი
რელიგია
მედიცინა
სპორტი
კადრს მიღმა
კულინარია
ავტორჩევები
ბელადები
ბიზნესსიახლეები
გვარები
თემიდას სასწორი
იუმორი
კალეიდოსკოპი
ჰოროსკოპი და შეუცნობელი
კრიმინალი
რომანი და დეტექტივი
სახალისო ამბები
შოუბიზნესი
დაიჯესტი
ქალი და მამაკაცი
ისტორია
სხვადასხვა
ანონსი
არქივი
ნოემბერი 2020 (103)
ოქტომბერი 2020 (210)
სექტემბერი 2020 (204)
აგვისტო 2020 (249)
ივლისი 2020 (204)
ივნისი 2020 (249)

თაფლისა და დარიჩინის საოცარი ნარევი #48

 გულის დაავადებების დროს, საუზმეზე რძისა და პურის ნაცვლად, უმჯობესია, თაფლისა და დარიჩინის ფხვნილის მიღება. მათი ერთობლიობა ამცირებს ქოლესტერინის დონეს  და ვინც გულის შეტევა გადაიტანა, დიდხანს აცოცხლებს. ვისაც შეტევა არ გადაუტანია, შეუძლია თაფლისა და დარიჩინის მიღებით, მის რისკს შეამცირებს. თაფლი და დარიჩინი აუმჯობესებს სუნთქვას და აძლიერებს გულის კუნთის მუშაობას. ამერიკისა და კანადის მოხუცთა სახლებში  დაიწყეს თაფლისა და დარიჩინის ნარევის სისტემატური მიღება და პაციენტთა ჯანმრთელობის მდგომარეობა მნიშვნელოვნად გაუმჯობესდა. განსაკუთრებით იმ შემთხვევებში, როცა საქმე ასაკობრივ ცვლილებებს, გულს, ვენებსა და არტერიებს ეხებოდა. თაფლისა და დარიჩინის თანაბარი პროპორციებით ყოველდღიური მიღება  ზრდის ორგანიზმის სასიცოცხლო ფუნქციებს.  ნახევარი კოვზი თაფლი და იმავე რაოდენობის დარიჩინი გახსენით ერთ ჭიქა წყალში, მიიღეთ დილით, უზმოზე და დღის მეორე ნახევარში, დაახლოებით 15:00 საათზე.  იმ შემთხვევაში, თუ ართრიტი გაქვთ, ყოველდღიურად, დილით და საღამოს მიიღეთ 1 ჭიქა თბილ წყალში გახსნილი ორი კოვზი თაფლი და ერთი პატარა კოვზი დარიჩინი. ეს რეცეპტი გამოსცადეს კოპენჰაგენის უნივერსიტეტში. პაციენტებმა ექიმების დადგენილი შემდეგი რეცეპტით მომზადებული ნარევი მიიღეს:  1 სადილის კოვზი თაფლი და 1/2 სადილის კოვზი დარიჩინი, გახნილი თბილ წყალში, ადრე საუზმეზე. ერთი თვის შემდეგ პაციენტთა უმრავლესობამ, რომელთაც ართრიტის გამო არ შეეძლოთ გადაადგილება, ტკივილის გარეშე შეძლეს სიარული.  ქოლესტერინის შემთხვევაში, აიღეთ: ორი  სადილის კოვზი თაფლი და სამი სადილის კოვზი დარიჩინი. გახსენით ორ ჭიქა თბილი წყალში. ის 10 პროცენტით შეამცირებს სისხლში ქოლესტერინის დონეს  ორი საათის განმავლობაში. ამ ნარევის  დღეში სამჯერ მიღება იწვევს ნორმალური ქოლესტერინის დონის შენარჩუნებას  ქრონიკული პაციენტებისთვისაც კი.  აღნიშნული ნარევი არაჩვეულებრივი საშუალებაა იმუნიტეტის ასამაღლებლად. თაფლისა და დარიჩინის ყოველდღიური მიღება აძლიერებს ორგანოების დამცავ ფუნქციებს და იცავს ორგანიზმს ბაქტერიებისა და ვირუსებიგან.  ნარევი შეგიძლიათ, გამოიყენოთ თმის ცვენის დროსაც. შეურიეთ ერთი სადილის კოვზი ზეითუნის ზეთი, ამავე რაოდენობის თაფლი  და დარიჩინი და შეიზილეთ თმის ძირებში. გაიჩერეთ 15 წუთი, შემდეგ დაიბანეთ თმა თბილი წყლით. კანის ინფექციების დროს, აურიეთ თანაბარი რაოდენობით თაფლი და დარიჩინი. წაისვით დაზიანებულ კანზე, იქნება ეს ეგზემა, სოკო თუ კანის ნებისმიერი სხვა ინფექცია.  აკნეს შემთხვევაში, სამი სადილის კოვზი თაფლი, ერთი ჩაის კოვზი დარიჩინი შეიზილეთ სახეზე დაძინებამდე. დილით პირი დაიბანეთ თბილი წყლით და ორ კვირაში აკნე გაქრება. მწერების ნაკბენის შემთხვევაში: თანაბარი რაოდენობით ერთი სადილის კოვზი თაფლი და დარიჩინი, ერთ ჭიქა თბილ წყალში გახსნილი, მიიღეთ და სულ რამდენიმე წუთია საჭირო ტკივილის გასაქრობად. მისი ჭამამდე მიღება ამცირებს მჟავიანობას და ეხმარება საჭმლის მომნელებელ სისტემას, საკვების უკეთ გადამუშავებაში. ეფექტურად ებრძვის კუჭის წყლულსა და ამცირებს შებერილობას. თუ კბილის ტკივილი გაწუხებთ, შეურიეთ ერთი სადილის კოვზი თაფლი და სამი სუფრის კოვზი დარიჩინი. მიიღეთ დღეში სამჯერ და  ტკივილი ჩაცხრება. თუ გინდათ, რომ მთელი დღის განმავლობაში პირში სასიამოვნო სუნი გქონდეთ, ერთი კოვზი თაფლი და დარიჩინი გახსენით ცხელ წყალში და დალიეთ დილით. თუ მას, თბილ წყლში გახსნილს მიიღებთ ყოველ დილა-საღამოს, ძალიან მალე იგრძნობთ, რომ დაქვეითებული სმენა გაგიუმჯობესდათ. ხველის დროს კი, თუნდაც ეს იყოს ქრონიკული ხველა, უნდა მიიღოთ 1/4 ჩაის კოვზი დარიჩინი და ერთი კოვზი თაფლი, რომელიც ისევ და ისევ, ერთ ჭიქა თბილ წყალში იქნება გახსნილი – სამჯერ დღეში. ის ასევე, გაგითავისუფლებთ ცხვირის ნესტოებს.  ეს ნარევი წარმატებით გამოიყენება კიბოს პრევენციისთვისაც. მისი დახმარებით კუჭისა და ძვლის კიბოს, წარმატებით მკურნალობენ და ეს სხვადასხვა ქვეყანაში ცდებითაა დადასტურებული. ამ შემთხვევაში, პაციენტმა ყოველდღიურად უნდა მიიღოს ერთი სუფრის კოვზი თაფლი და ამავე რაოდენობის დარიჩინი სამჯერ დღეში ერთი თვის განმავლობაში. ჩაი თაფლითა და დარიჩინით ძალიან კარგი საშუალებაა კანის მოვლისთვის. მისი რეგულარული მიღება ინარჩუნებს კანის სისუფთავეს და აფერხებს დაბერების პროცესს.   თავის ტვინის სისხლძარღვების გაწმენდის უნიკალური რეცეპტები 1) იმისთვის, რომ გაქრეს თავბრუხვევა, თავის ტკივილი, გაუმჯობესდეს ნივთიერებათა ცვლა და გაიწმინდოს ორგანიზმი გამოიყენეთ შემდეგი რეცეპტი.  აურიეთ გვირილა, კრაზანა, უკვდავა, არყის კვირტი, ყველაფერი ერთად, 1 სუფრის კოვზის ოდენობით და  დაასხით მას ნახევარი ლიტრი მდუღარე წყალი. დააყოვნეთ 20 წუთი. საღამოს, ძილის წინ მიღებულ ნარევს დაამატეთ 1 ჩაის კოვზი თაფლი და სააფთიაქო პიპეტით – 1 წვეთი დაფნის ზეთი. დალიეთ დაწოლამდე ცოტა ხნით ადრე. მისი დალევის შემდეგ აღარც უნდა შეჭამოთ და აღარც რამე დალიოთ. დილით იგივენაირად მოიმზადეთ ნარევი და საუზმემდე ოცი წუთით ადრე მიიღეთ.  პროცედურას აკეთებთ ყოველდღე, თუმცა ნარევის მოქმედება ორგანიზმზე არის ხანგძლივი და მის შედეგს უცებ ვერ დაინახავთ.  დაახლოებით ერთი თვის ან თვე-ნახევრის შემდეგ კი, აუცილებლად იგრძნობთ შვებას.  2) კიდევ ერთი რეცეპტი, რომელიც დაგეხმარებათ  თავის ტვინის სისხლძარღვების  გაწმენდაში, ეს არის ფიჭვის ნემსების რეცეპტი. რომელიც დაგეხმარებათ, უამრავ დაავადებას  დააღწიოთ თავი, მათ შორის: თირკმლის დაავადებას, გულ-სისხლძარღვთა დაავადებას, ბოჭკოვან ატროფიას, კრუნჩხვებს. აიღეთ ორი სუფრის კოვზი ფიჭვის ნემსები, ამავე რაოდენობის ხახვის კანი და დაჭრილი ასკილი, ერთი ჭიქა შაქარი და ერთი ლიტრი წყალი. შეურიეთ ეს ყველაფერი ერთმანეთს და დატოვეთ ღამით, თბილად შეფუთული. შემდეგ კი მიღებული სითხე დალიეთ დღის განმავლობაში ნახევარი ან სრულად, ერთი ლიტრის ოდენობით. შეგიძლიათ, დღიური ნორმა თანდათან გაზარდოთ. შეგიძლიათ, ეს ყველაფერი ხახვის ფურცლების გარეშეც მოამზადოთ, მაგრამ თუ თირკმელებთან დაკავშირებული  პრობლემები გაწუხებთ, ნუ იტყვით ხახვის ფურცლებზე უარს, რადგან ის ძალიან კარგად მოქმედებს. რაც შეეხება ფიჭვის ნემსებს, ზამთარშიც კი კარგი იქნება, თუ არ დაიზარებთ, წახვალთ ტყეში და  ახალთახალი ფიჭვის ნემსებს მოიპოვებთ. ეს არ ნიშნავს, რომ შეგროვებული და აივანზე შენახული თავის ფუნქციას ვერ ასრულებს, თუმცა უმჯობესია, ის ახალი იყოს. პარალელურად, შეგიძლიათ, კიდევ ერთი რეცეპტი გამოიყენოთ. გამოწურეთ ორი ლიმონი და  მიღებულ წვენს დაუმატეთ ორი სუფრის კოვზი ფიჭვის ნემსები. მიზანშეწონილია, რომ ეს ნაყენი ჭამამდე ერთი საათით ადრე, ან ერთი საათის შემდეგ მიიღოთ, ორი სუფრის კოვზის ოდენობით. შეგიძლიათ, ეს რეცეპტი ორი კვირის განმავლობაში, მძიმე შემთხვევებში კი, სამი კვირის ხანგრძლივობითაც გამოიყენოთ. ორი-სამი კვირის შემდეგ, ერთი კვირა ისვენებთ და  კიდევ ერთხელ იმეორებთ. შედეგად, იძლიერებთ იმუნიტეტს, ისუფთავებთ სისხლძარღვებს და ზოგადად, ორგანიზმს. ასევე, მესამედი ჭიქა ხახვის წვენი შეურიეთ ერთ ჭიქა ნატურალურ თაფლს. მიიღეთ სამკურნალო ნაზავი დღეში სამჯერ, ერთი ჩაის კოვზი საკვების მიღებამდე, ნახევარი საათით ადრე. ის არა მარტო ეფექტურად წმენდს სისხლძარღვებს, ასევე, აძლიერებს იმუნიტეტს. 3) თავის ტვინის სისხლძარღვების გაწმენდა კაკალის, მანდარინისა და ქიშმიშის გამოყენებით – სასურველი შედეგის მისაღწევად აუცილებელია, უპირველესად, დიდი ხნის განმავლობაში, ყოველ დილით ჭამოთ: ერთი მანდარინი, ცოტა ქიშმიში და სამი ცალი კაკალი. მკაცრად დაიცავით ეს წესი. ამის შეჭმიდან დაახლოებით, ოცი წუთის განმავლობაში, არც დალიოთ და არც შეჭამოთ რამე. ამ დროის გასვლის შემდეგ, შეგიძლიათ, დალიოთ ერთი ჭიქა ცივი წყალი და ისაუზმოთ. ეს პროცედურა უნდა გრძელდებოდეს, მინიმუმ სამიდან ექვს თვემდე, მაგრამ ძალიან მნიშვნელოვანია, რომ ერთი დილაც კი არ ჩააგდოთ. 4) თავის ტვინის სისხლძარღვების გაწმენდა  ბირკის ფესვებით – თერმოსში ჩაყარეთ ერთი მუჭა, დაახლოებით 10 გრამი ხმელი ბირკის ფესვი, რომლის შეძენაც აფთიაქში შეგიძლიათ. დაასხით მდუღარე წყალი, გააჩერეთ რვა-ათი საათი, შემდეგ გაწურეთ და დადგით გრილ ადგილას. მიიღეთ ოთხი სუფრის კოვზი სამკურნალო ნაყენი საუზმემდე ნახევარი საათით ადრე. მკურნალობის სრული კურსი ერთი თვეა. 5) თავის ტვინის სისხლძარღვების გაწმენდა  ნივრის გამოყენებით – აიღეთ ერთი თავი  ნიორი, დანაყეთ და დაასხით ერთი ჭიქა რაფინირებული მზესუმზირის ზეთი. მოათავსეთ მაცივარში ქვედა თაროზე. მომდევნო დღეს, ერთ ჩაის კოვზ ნივრის ნაყენს შეურიეთ ამავე რაოდენობის ლიმონის წვენი და მიიღეთ ჭამამდე ნახევარი საათით ადრე, დღეში სამჯერ. მკურნალობის კურსია ერთიდან სამ თვემდე.  6) სიცოცხლის ელექსირი – აიღეთ თანაბარი რაოდენობით  თაფლი, ზეითუნის ზეთი და ლიმონის წვენი (1: 1: 1). ეს მიქსი მიიღეთ დილით უზმოზე, ჭამამდე ნახევარი საათით ადრე, ერთი ჩაის კოვზი. ის  შესანიშნავად ასუფთავებს სისხლძარღვებს, ხსნის თავის ტკივილს და აუმჯობესებს ზოგად მდგომარეობას. 7) თავის ტვინის სისხლძარღვების გაწმენდა  ოროვანდის ფესვებით – თერმოსში ჩაყარეთ 10 გრამი ოროვანდის ხმელი ფესვები და დაასხით მდუღარე წყალი. გააჩერეთ 8-10 საათი, გადაწურეთ და დადგით გრილ ადგილას. მიიღეთ 4 სადილის კოვზი სამკურნალო ნაყენი საუზმემდე ნახევარი საათით ადრე. მკურნალობის კურსი მოიცავს ერთ თვეს.  პიტნით მკურნალობა როგორც იცით, პიტნა გამოიყენება არა მხოლოდ სამზარეულოში, არამედ ჯანმრთელობის სამსახურშიც, რადგან უამრავ დაავადებას კურნავს. პიტნის დადებითი თვისებები: * აუმჯობესებს მონელებას. ამ მიზნით გამოიყენეთ პიტნის ჩაი. ხელს უწყობს მადის მომატებას, ამცირებს კუჭის მჟავიანობას.  * ამცირებს ფილტვის დაავადებების რისკს. ეს საოცარი ბალახი  იბრძვის რესპირატორული დაავადებების წინააღმდეგ. განსაკუთრებით სასარგებლოა პიტნის ზეთი. ის შეიცავს მენთოლს, რომელიც ქოშინის თავიდან მოშორებაში დაგეხმარებათ.  * უზრუნველყოფს ჯანსაღ სუნთქვას. კლავს ბაქტერიებს, რომელიც იწვევს კბილების დაბინძურებას, ამიტომაც უმატებენ პიტნის ექსტაქტს კბილის პასტებსა და საღეჭ რეზინებს.  * ხსნის კუნთების ტკივილს. პიტნას შეუძლია დაძაბული კუნთების გათავისუფლება. დაასხით  ზღვის მარილი, მესამედი ჭიქა ზეითუნის ზეთი და ექვსი-რვა წვეთი პიტნის ეთერზეთი. მტკივნეულ ადგილას ათი წუთის განმავლობაში გაიკეთეთ მასაჟი და შემდეგ ჩამოიბანეთ თბილი წყლით. * გამოიყენება გულისრევის წინააღმდეგ. პიტნის სუნი ამცირებს გულისრევის შეგრძნებას და თავს ძალიან მალე იგრძნობთ კარგად. * ამარცხებს დეპრესიას – ერთი ჭიქა პიტნის ჩაი დაგეხმარებათ სტრესის მოხსნასა და დეპრესიის აღმოფხვრაში. * აუმჯობესებს მეხსიერებას – პიტნის ფოთლების სუნს დადებითი ზემოქმედება აქვს გონებაზე. მისი ხშირი გამოყენება კი აუმჯობესებს მეხსიერებას.  იმავდროულად, პიტნას აქვს უკუჩვენებებიც: არ შეიძლება მისი გამოყენება დაბალი წნევის, თირკმლის დაავადებების, გულძმარვის დროს. პიტნისადმი ალერგიული ადამიანი ძალიან ცოტაა.

скачать dle 11.3