კითხვა: იწვევს თუ არა ბევრი შოკოლადის ჭამა კანზე გამონაყარს და შეუძლია თუ არა მას სახის კანის მდგომარეობის გაუარესება?
პასუხი: შოკოლადი გამონაყარის ინტენსივობაზე არ მოქმედებს, თუმცა კვების არასწორ რეჟიმს მართლა შეუძლია სახის კანის მდგომარეობის გაუარესება. ასე რომ, მიირთვით შოკოლადი, ოღონდ ნორმის ფარგლებში.
კითხვა: გამიგია, რომ კიტრის კანის ანათალი თვალის დასიებულ უპეებს აცხრობს. იქნებ მიპასუხოთ, უშველის ეს ჩემს შესიებულ ქუთუთოს?
პასუხი: კიტრის ანათალი მართლა შველის თვალის დასიებულ უპეებს, ისევე, როგორც ნებისმიერი სახის ცივი კომპრესი. მაგალითად: ცივი ჩაის პაკეტი, ნაჭერში გახვეული ყინული და ასე შემდეგ. ამ დროს, დაბალ ტემპერატურაზე სისხლძარღვები ვიწროვდება და დასიებაც ცხრება.
კითხვა: ბევრს საუბრობენ იმაზე, რომ ადამიანს რვა საათი უნდა ეძინოს დღე-ღამის განმავლობაში, რომ სრულფასოვნად გამოიძინოსო. ასევე, გავიგე, რომ რვასაათიანი ძილი წონის კლებასაც უწყობს ხელს. ეს სიამრთლეა?
პასუხი: დღეში რვა საათი ძილი აუცილებელია. თუ ეს შეუძლებელია, მინიმუმ ექვსი საათი მაინც უნდა ვიძინოთ. რაც შეეხება წონაში კლებას და ამასთნ ძილის კავშირს – ერთი მხრივ, როცა გვძინავს, არ ვჭამთ და ნაკლებ კალორიას მოვიხმართ; მეორე მხრივ, ძილის ქრონიკული ნაკლებობისას ნივთიერებათა ცვლა ნელდება და ენერგიაც ნაკლებად იხარჯება, ესე იგი, წონაც არ იკლებს.
კითხვა: გრძელი თმა მაქვს და ხშირად მეყოფა თმის ღერი, რის გამოც მიწევს მისი შემოკლება და თმის გაყოფილი ბოლოების შეჭრა.  შესაძლებელია თუ არა, თმის გაყოფილი ბოლოების აღდგენა სხვადასხვა საშუალებით?
პასუხი: გაყოფილი ბოლოების მოშორების ერთადერთი გზა დაზიანებული თმის შეჭრაა. ნებისმიერი სხვა საშუალება მხოლოდ დროებით აწებებს გაყოფილ ბოლოებს და შეუმჩნეველს ხდის. თუმცა ამით პრობლემა არ ქრება.
კითხვა: კურნავს თუ არა მზეზე გარუჯვა სახეზე გამონაყარს? რა ვიხმარო, რომ ამ მხრივ პრობლემური სახის კანი დავიცვა მზეზე ყოფნისას?
პასუხი: გარუჯვისას კანი მუქდება და აკნე ნაკლებად შესამჩნევი მხოლოდ ამიტომ ხდება. გამონაყარისგან თავის დასაცავად მზისგან დამცავი უცხიმო კრემი გამოიყენეთ. გარუჯვა პრობლემას მხოლოდ დროებით მიჩქმალავს. ამიტომ, ეცადეთ, დროულად უმკურანლოთ გამონაყარს.