ანუ ეგრე
არ დარჩეთ

 გასულ კვირას ჩრდილოატლანტიკური ალიანსის გენერალური მდივანი გვეწვია: არც მან დაიშურა ტკბილი სიტყვები და არც ჩვენ გვიღალატია სტუმარმასპინძლობის ჩვეული წესისა და ადათისთვის.
თავის მხრივ, ბ-ნმა სტოლტენბერგმა კიდევ ერთხელ შეგვახსენა, რომ „ნატოში“ აუცილებლად გავწევრიანდებით. ოღონდ დასძინა, რომ ვერც კონკრეტულ თარიღს ასახელებს და არც ჩარევის ძალა და ღონე აქვს. მომყავს ციტატა: „არცერთ სხვა მხარეს არ გააჩნია არც ვეტოს, არც ამ პროცესში ჩარევის უფლება“.
თუმცა დაგვაიმედა, რომ არ ეპუებიან რფ-ის წინააღმდეგობას „ნატოს“ გაფართოებისა. ამას გარდა, შეგვახსენა, რომ ჩრდილოატლანტიკური ალიანსი ერთგულია ბუქარესტის სამიტის გადაწყვეტილების, რის თანახმადაც, „ნატოს“ კარი ღიაა. მეტიც, აღნიშნა, რომ აღფრთოვანებულები არიან საქართველოს მიერ ბოლო, რამდენიმე წელიწადში მიღწეული პროგრესით.
თუ გავიხსენებთ, რომ ბუქარესტის სამიტი 2008 წლის გაზაფხულზე გაიმართა, ანუ აგერ უკვე რვა წელზე მეტია გასული, ახლა კი ვირუსების სეზონია, ოდნავ მაინც მიხურონ: თორემ გაგვიცივდებიან ასე აღფრთოვანებულები?! –