ანუ რიგში

 უკრაინული წყაროს ცნობით, რფ-ს დაუსრულებია თავისი სამხრეთის, დასავლეთისა და ცენტრალური სამხედრო ოლქების, ასევე, ჩრდილოეთის ფლოტის მზადყოფნის შემოწმება.
მათი განმარტებით, ადამიანურ, ანუ არასამხედრო ენაზე ეს ნიშნავს, რომ რუსეთმა სრულ საბრძოლო მზადყოფნაში მოიყვანა თავისი ის სამხედრო ძალები, რომლებიც მას შეიძლება, დასჭირდეს უკრაინაზე ჰიპოთეტური თავდასხმის შემთხვევაში.
უკრაინული წყარო შენიშნავს იმასაც, რომ რუსულ სამხედრო სწავლება „კავკაზ 2016-ზე“ ივარჯიშებენ უკრაინაზე თავდასხმის სცენარზე, როგორც ეს მოხდა 2008 წლის სამხედრო სწავლებებზე, რაც საქართველოს ოკუპაციით დასრულდა.
ცნობილია, რომ შიშს დიდი თვალები აქვს, თუმცა ისიც ვიცით, რომ რუსეთის ფედერაცია ამ შიშებს ხშირად რეალობად აქცევს. მეორე მხრივ, თუკი ჩვენ გვექნებოდა ძალა და შნო, ვფიქრობ, დიდი სიამოვნებით ჩავატარებდით სწავლებებს არათუ ცხინვალ-სოხუმის, ზედაც, ტაოს დაბრუნების სცენარით და ასე მგონია, არც ლორესა და საინგილოზე დავიხევდით უკან, რადგან ძალა და მხოლოდ ეს ოხერი ძალა თუ მოხნავს ამ არანაკლებ ოხერ აღმართს. –