„ჩახედე მეუღლეს თვალებში“

მართალია, წინასაარჩევნო კამპანია მეტად მდორედ მიმდინარეობს (შესაძლოა ამის მიზეზი სუბიექტურიც იყოს – მაინც აგვისტოს მზე გვაჭერს, პოლიტიკოსებს კი – ასმაგად), მაგრამ, სამაგიეროდ, დაპირებები კვლავაც წრეგადასულია.
წინასაარჩევნო მარათონში აწ უკვე აშკარად ჩაება ოდესის გუბერნატორის მეუღლეც და „ნაციონალურ მოძრაობას“ მტკიცედ სწამს, რომ ქ-ნი რულოვსი მათი გამსვლელი ფალავანია.
გამსვლელია თუ დამრჩენი, ზემოხსენებული ქ-ნი გვარწმუნებს, რომ ძალადობას აღარ გაიმეორებენ (სავარაუდოდ, იმედი აქვს, რომ გულწრფელი აღიარება ამსუბუქებს განაჩენს).
გვერდზე რომ გადავდოთ, როცა ძალადობას აღიარებ, კიდევაც უნდა დაისაჯო (ოღონდ ეს პუნქტი „ნაციონალურ“ ლოგიკაში მოიკოჭლებს), ცხადია, იბადება კითხვა: თუ რა იქნება არგამეორების გარანტია?!
აღმოჩნდა, რომ, არც მეტი, არც ნაკლები, თვალები!
დიახ, დიახ – თვალები. კერძოდ, ქ-ნმა რულოვსმა ბრძანა: „მე ძალიან ხშირად ვესაუბრებოდი მიშას, თვალებში შეგხედავ  და ნამდვილად უნდა ვიცოდე, რომ, რაც ცუდი მოხდა აღარ განმეორდება“.
როგორც ჩანს, მეუღლის თვალებმა დაუდასტურა, მაგრამ ვაითუ, ქ-ნ სანდრას თვალები მეუღლისადმი სიყვარულმა დაუნისლა?! მით უფრო, რომ შოთა გვასწავლის: „თავსა ახლად ვერვინ იშობს, ავსა კარგად ვერვინ შეცვლის?! –