ანუ დამპატიჟე!

სანამ ჩვენ ბ-ნ კერის ვისტუმრებდით და თვალს ვადევნებდით ჩრდილოატლანტიკური ალიანსის მორიგ სამიტს, ამ ჩვენს აფხაზეთში კინაღამ ისეთი ამბები დატრიალდა, სეპარატისტი ოკუპანტს არ აიყვანს ხელში.
ეს ორომტრიალი კი იქაური ოპოზიციის მოთხოვნას მოჰყვა ვადამდელი „საპრეზიდენტო“ არჩევნების დანიშვნის შესახებ. საქმე იქამდეც კი მივიდა, რომ სეპარატისტები სეპარატისტულ შსს-ს შენობასაც კი დაესხნენ თავს.
ჯერჯერობით უცნობია, მოვლენები სპონატანურად ვითარდება თუ მაინც ჰყავს უხილავი რეჟისორი და არეულობა გარკვეულ მიზანს ემსახურება, თუმცა აშკარაა, რომ სწორედ დემონსტრაციებით მოყვანილი ხაჯიმბას სკამსაც შეუდგა წყალი.
ან კი როგორ არ შეუდგებოდა, როდესაც აფხაზეთის „ხელისუფლებაში“ მოპარვას ვერ გადაეჩვივნენ, აფხაზეთის მოსახლეობა კი საკუთარი ოფლითა და სისხლით მზის ქვეშ ადგილის დამკვიდრებას ვერ შეეჩვია?! –