ანუ ჩაგვისხამენ აუზში წყალს?!

 ჯერ კიდევ მაშინ, სანამ ევროკავშირის თავზე შავი ღრუბლები არ შექუჩებულიყვნენ, ანუ ბრიტანელებს თავი ჯერ კიდევ ეგონათ ბრიტანელები და, მაშასადამე, ევროპელები, ლიტვის საგარეო საქმეთა მინისტრმა (ლინას ლინკევიჩიუსმა) გაგვახარა: „საქართველო მიიღებს უვიზო მიმოსვლას და არცერთ წევრ სახელმწიფოს საწინააღმდეგო აზრი არ გამოუთქვამს.“
საწინააღმდეგო აზრი კი იმიტომაც არ გამოუთქვამთ, რომ ამ ჩვენმა ღარიბმა და დასავლელების ხელისა და თვალის შემყურე ქვეყანამ მისთვის მიცემული ყველა დავალება შეასრულა და ისიც კი აღმოხდა ზოგიერთ ჩინიან დასავლელს, ევროკავშირის ვალია, დააფასოს ეს სიბეჯითეო.
ვალი კია, ოღონდ, ევროპელ ლიდერებს საკუთარი უსაფრთხოება უფრო ეწვით. და, კაცმა რომ თქვას, ის უფრო იქნებოდა გასაკვირი, საკუთარი რომ ჩვენსაზე მწარედ ასწვოდათ.
ასეა თუ ისე, უვიზო მიმოსვლის გამომეტების ვადად ხან ადრეულ შემოდგომას ასახელებენ, ხანაც – გვიანს, შიგადაშიგ – ზამთარსაც, ანუ წლის ბოლოსაც ახსენებენ, ხოლო, თუ ინამუსეს, იქნებდა, მუხლამდე მაინც ჩაგვისხან აუზში წყალი, თორემ, საცაა დაგვიხეთქავს თავებს ეს ჩვენი მეზობელი და ოკუპანტი რფ. –