მასწავლებელი ეუბნება ბავშვებს:
– აბა, ბავშვებო, მითხარით, რა მოგწონთ ჩემში და გეტყვით, ვინ გამოხვალთ.
– თმა! – დაიძახა ერთმა.
– შენ პარიკმახერი გამოხვალ!
– კბილი, მასწ!
– შენ სტომატოლოგი. შენ რატომ არაფერს ამბობ, გიგა?
– უკვე მივხვდი, მასწ, მე რძის კომბინატში ვიმუშავებ.
***
სვანი უცხოეთშია და სასაფლაოებს ათვალიერებს. ერთ საფლავთან შეჩერდა და  კითხულობს წარწერას: „აქ განისვენებს ძლევამოსილი  გენერალი და დიდებული ადამიანი“.
– უი, ორი დაუმარხავთ ერთმანეთზე! – „გამოიცნო” სვანმა.


გიგა კვენეტაძის ანეკდოტები
უცხოელი სტუმრები კახეთში სოფელს ათვალიერებენ. ერთ ეზოსთან გაჩერდნენ. ეზოში მიხოა კაკლის ძირში წამოწოლილი.
უცხოელები რაღაცას ეუბნებიან გიდს.
გიდი:
– მიხო, უცხოელებმა გთხოვეს, ერთი კაკალი მოუწყვიტო.
მიხომ თავი წამოწია და სტუმრებს უყურებს, კაკალზე კი აშკარად არ აპირებს აძრომას.
– მოუწყვიტე, ბიჯო, ერთი კაკალი!
– რა კაკალი მოუწყვიტო, თავი ხომ არაფერზე მიგირტყამს!
სტუმრები ყაყანებენ. გიდი უკვე ევედრება მიხოს:
– მოუწყვიტე, ბიჯო, ერთი კაკალი, რა იქნება! ფულს მოგცემენ, ისე კი არ უნდათ.
– არ მჭირდება მაგათი ფული მე – წამოწვა მიხო ისევ ბალახებში.
– მილიონს მოგცემენ, მიხო! მილიონი დოლარი გექნება. ამდენი ფულით მთელ ცხოვრებას ფეხებზე დაიკიდებ!
– უფ, გამაკვირვე. ახლა არა მკიდია, რო?
***
სვანი სტუმარს ასეირნებს სოფელში, კოშკებს ათვალიერებენ. უცებ სტუმარი ყვირის:
– ვაიმე, იმ კოშკიდან ვიღაც კაცი თოფს მიმიზნებს!
– ჰო, მე მაგას ძმა მოვუკალი და ეტყობა, სისხლის აღება უნდა – ამშვიდებს მასპინძელი.
– მერე რა მეშველება?
– შენ არაფერი გეშველება, მაგრამ ნუ გეშინია, მაგასაც ჩამოუვა სტუმარი.