ანუ სად არის დასავლეთ კახეთი?!

 მართალია, თავიანთი სანქციებისთვის ვერ მოუვლიათ და ვერც ყირიმი გამოუკვებავთ, თუმცა უმადობას მაინც არ უჩივიან. ჰოდა, რაკი არ უჩივიან, საქართველოსაც ხშირ-ხშირად ახსენებენ და თვით რფ-ის საზოგადოებრივი არხის თვით ვლადიმირ პოზნერის გადაცემაშიც მოგვაპყრეს თავიანთი მაღალი ოკუპანტური ყურადღება.
სახელდობრ, რადიოსადგურ „გოვორიტ მოსკვას“ რედაქტორმა, ერთ დროს შერაცხადმა (აწ კი არც ისე) ჟურნალისტმა სერგეი დორენკომ ის პირობა დაასახელა, რომლის შესრულების შემთხვევაშიც, ცხინვალსა და სოხუმს ჩაგვახუტებენ.
პირობა კი, არც მეტი, არც ნაკლები, საქართველოს რუსეთში შესვლაა. თანაც, თურმე, არა მხოლოდ ტერიტორიების დასაბრუნებლადაა ეს აუცილებელი, თვით ჩვენს გადასარჩენად, რადგან, სხვათა შორის, ორივეს, დორენკოსა და პოზნერის აზრით, უკან-უკან წავსულვართ, რაც რუსეთის მზრუნველი ხელი მოგვკლებია.
ხოლო, რაკი ჩვენზე ფრიად ზრუნავენ (იმიტომაც, რომ ღმერთს ქართველები ცეკვა-სიმღერა-კინო-სადღეგრძელოებისთვის შეუქმნია, ვითარცა რუსეთის სამკაულები) და არ უნდათ, რომ მტრებს ჩავუცვივდეთ ხელში, ბ-ნი დორენკო ბრძანებს, სასწრაფოდ ჯარი უნდა შევიყვანოთ და დასავლეთ კახეთი და სამეგრელო გავათავისუფლოთო (ზედაც, დასძინა – Çჭëþხèì ჰî ñìåðòè-ო).
მიუხედავად იმისა, რომ წარმოდგენა არ მაქვს, ვისგან გვათავისუფლებენ, ყველაზე მეტად მაინც ის მაინტერესებს: ეს დასავლეთ კახეთი რომელია?! –