ავტობუსში სათნო მოხუცი ამოვიდა. წინ მჯდომმა ორმა გოგონამ, ვითომ ვერ დაინახეს, განაგრძეს ღლაბუცი. ვერ მოითმინა ერთმა მამაკაცმა და გოგონებს მიმართა:
– იქნებ ადგილი დაგეთმოთ ასაკოვანი ქალბატონისთვის.
– იქნებ მე ფეხმძიმედ ვარ – ცინიკური ღიმილით უპასუხა ერთმა.
– შენ არ შეიძლება, ფეხმძიმედ იყო – ნიანგები კვერცხებს დებენ.

ბექა ონიანის ანეკდოტები
კაცი მიდის გურულ მამაოსთან და შეწუხებული სახით ეუბნება:
– მამაო, ორი დღეა, რაცხა თავი მტკივა ნამეტანი და მიშველე რამე.
– მონათლული თუ ხარ?
– კი, მამაო.
– დილით და საღამოს ლოცულობ?
– კი, მამაო, – პასუხობს კაცი.
– მარხვას იცავ?
– კი.
– ცოლს ხომ არ ღალატობ?
– არა, მამაო.
– აღსარებას რეგულარულად აბარებ?
– კი, მამაო.
მამაო ცოტა ხანს დაფიქრდა და უთხრა:
– რას გეტყვი, შვილო ჩემო, იცი? მგონი, შარავანდედი გიჭერს და, გეიწევს აწი, ზამთარი მოდის.
***
ახალგაზრდა მამაკაცი კარზე აკაკუნებს. გააღო ახალგაზრდა ქალმა:
– გამარჯობა! მე თქვენი მეზობელი ვარ.
– ზევიდან თუ ქვევიდან?
– არ დაფიქრდები და ეგრე პირდაპირ?
***
აფთიაქში: აციდიუმაცეტილოსალიცილიუმი გაქვთ?
– ასპირინი გინდათ?
– ჰო, რა! სულ მავიწყდება მაგ წამლის სახელი...
***
მეგრელი ტრაბახობს:
– ჩვენთან სულ ახალი „მერსედესი” 500 ლარი ღირს.
– აჰ! ტყუილი იქნება მაგი!
– ტყვილია, მარა, იაფი ხოა!
***
ოთხი სვანი ერთს მიადგა:
– უნდა გეჩხუბოთ!
– არ მინდა, რატომ უნდა მეჩხუბოთ?
– მაინც უნდა გეჩხუბოთ!
– არ მინდა, ვა! ან რა წესია, ოთხი ერთს უნდა მეჩხუბოთ?
– მაშინ, აი ეს კაცი შენკენ იქნება და ისე გეჩხუბებით!
– მაინც უსამართლობაა – სამი ორზე!
– ჰოოო!!! ... კარგი, მაშინ, შენ წადი და ჩვენ ვიჩხუბებთ.
***
დაქალი შესჩივის დაქალს:
– რა ცუდად არის ეს ქვეყანა მოწყობილი – ყველაფერი, რაც მომწონს, ან მასუქებს, ან უზნეობად ითვლება!
***
პირველი სექტემბერია, პირველკლასელი მიხო სკოლიდან ბრუნდება.
– რა გითხრეს, მიხო, სკოლაში?
– ეჰ, თორმეტი წელი მამარჭვეს!
***
ღია ფანჯრიდან ყვირილი ისმის:
– მიშველეეეთ! კატა მოვიდაააა! მიშველეეეთ! შემჭაამს!..
შეიყარა ხალხი ქვევით. რა ხდება, ვერ ხედავენ და ამხნევებენ:
– ნუ გეშინია! რა იყო, კაცი არა ხარ? კატამ შეგაშინა?!
– კაცი არა ვარ, თუთიყუში ვარ. მიშველეეეეთ!
***
საღამოა. ქმარი ფანჯარაში იყურება ჩაფიქრებული და ცოლს ეკითხება:
– ძვირფასო, გინდა, ციდან ვარსკვლავი მოგიწყვიტო?
– არავითარი ვარსკვლავი, ამ საღამოს სახლში იჯდები!