ანუ „ტყაპუჭიანი ეს რუსეთი კაცად აქცია...“

 თუმცა იგი სტალინგრადი აღარაა, მაგრამ ქალაქ ვოლგოგრადში სტალინის ძეგლის დადგმის მოთხოვნით მოქალაქეებმა პეტიცია გამოაქვეყნეს და გულმოდგინედაც ცდილობენ საკმარისი ხელმოწერების მოგროვებას.
ძეგლის დადგმის მოტივი შემდეგნაირია (მომყავს ციტატა): „სახელმწიფოებრივი აღმშენებლობისა და უდიდესი მიღწევების ავტორები არიან გამორჩეული ადამიანები… ნებისმიერს არ შეუძლია ისტორიის ჩარხის შემობრუნება. ამიტომაც ასეთები ერთეულები არიან მთელ მსოფლიოში, უფრო ცოტანი კი ისეთები, რომლებსაც აქვთ უნარი, შთააგონონ ერები და ქვეყნები  უდიდესი მიზნების მისაღწევად და ცივილიზაცია გაიყვანონ განვითარების ახალ ეტაპზე. ერთ-ერთი მათგანია იოსებ ჯუღაშვილი… მან შექმნა როგორც მსოფლიოს, ისე ჩვენი (იგულისხმება რუსეთი) ახალი ისტორია…“
ჩვენ არ ვიცით, გაიზიარებს თუ არა ვოლგოგრადის ხელისუფლება ამ ინიციატივას,  სამაგიეროდ, ვიცით, რომ სწორედ იოსებ სტალინმა გააცოცხლა რუსეთის იმპერია და მიანიჭა ზესახელმწფიოს სტატუსი, რაც იმას ნიშნავს, რომ ჩვენი ვალი აქვთ და, მე რომ მკითხოთ, საკომპენსაციო თანხა უნდა მოვითხოვოთ, რაკი ვუშვით ბელადი. –