ჩვენთვის უცნობ მიზეზთა გამო ურთიერთობა ქართველ ქალებსა და მამაკაცებს შორის მეტად დაიძაბა: ლამისაა სამკვდრო-სასიცოცხლოდ შეებნენ, ანუ შევებით ერთმანეთს. შესაძლოა, იმიტომ რომ, ბოლო 25 წელია, ქალს ორივე – ქალისა და მამაკაცის – როლის შესრულება უწევს, რადგან ოჯახიც მას გადააბარეს და მისი რჩენაც. რადგან კვლევებით არ ვართ განებივრებულები, იძულებულები ვართ, დავეყრდნოთ ყოფით გამოცდილებას. ეს გამოცდილება კი გვკარნახობს, რომ ქართველი ქალები ჰარმონიულ ურთიერთობას ახერხებენ ევროპელ მამაკაცებთან (განსაკუთრებით, გერმანიაშია მოთხოვნა ქართველ ქალებზე, როგორც მეუღლეებზე). ქართველი მამაკაცები კი კვლავ სლავ ქალებს შორის ინარჩუნებენ პოპულარობას. რამ გააჩინა ქართველი ქალისა და მამაკაცის ურთიერთობაში ბზარი და როგორ აისახება ეს პრობლემა, ზოგადად, ქვეყნის განვითარებაზე, – ამ თემას ქართული უნივერსიტეტის პროფესორთან, ფსიქოლოგიის მეცნიერებათა დოქტორ დიმიტრი ნადირაშვილთან ერთად განვიხილავთ.