21 აპრილს „დიდუბე პლაზაში“ სამოდელო სააგენტო New Look Models-ის ორგანიზატორობით, რომლის ხელმძღვანელია მადონა ძაგოევა, ჩატარდა სილამაზის კონკურსი „მის სკოლა 2016“. სააგენტო და მისი ხელმძღვანელი, მადონა ძაგოევა, უკვე 4 წელია, ამ კონკურსს ატარებენ და ამ ხნის განმავლობაში არაერთი ღირსეული გამარჯვებული გამოვლინდა. წელს ღონისძიების ჟიურის წევრები იყვნენ: სამოდელო სააგენტო New Look Models-ის პიარ-მენეჯერი სოფიო ვაზაგოვა, თამარ ვაშალომიძე, დიზაინერი ანა კუპრავიშვილი, ქეთი ხატიაშვილი, დიზაინერი ანანო ნადარეიშვილი და „ელკა ნაილს ქლაბის“ პიარ-მენეჯერი – აკო.
სოფი ლორია (ჟურნალისტი და ღონისძიების წამყვანი): მოხარული ვარ, რომ საქართველოში ასეთი ტიპის სილამაზის კონკურსები ტარდება, რომელიც ჩვენს ახალგაზრდა თაობას თვითრეალიზების საშუალებას აძლევს და თავდაჯერებულობას ჰმატებს – ეს თვისებები მათ მომავალ ცხოვრებაში აუცილებლად გამოადგებათ. რაც მთავარია, საღამომ მხიარულად და ენერგიულად ჩაიარა და, როგორც მონაწილეები, ასევე ჟიურის წევრები და, მოწვეული სტუმრები, კმაყოფილები დარჩნენ. ადგილები კი შემდეგნაირად გადანაწილდა: დიდების კატეგორიაში გაიმარჯვა 17 წლის სალი აბესაძემ, საშუალოების კატეგორიაში – 13 წლის სალომე ხარხელმა, ხოლო უმცროსებში: 12 წლის ხატია ბეწუკლიშვილმა.