ადამიანი თავისი ცხოვრების განმავლობაში 12 ასტროლოგიურ პერიოდს გადის და  თითოეული ეს პერიოდი სახასიათო შტრიხებით გამოირჩევა  
7 წლამდე ადამიანი ვერძის ზოდიაქოს პერიოდს გადის. ამ დროს, მომატებულია ვერძის ზოდიაქოს ნიშან-თვისებები: ახირება, სიჯიუტე, გულწრფელობა, იმპულსურობა, აჩქარება.
7-დან 14 წლამდე პერიოდში მოზარდი კუროს ზოდიაქოს პერიოდს გადის. ამ დროს ის იძენს კუროს ისეთ თვისებებს, როგორებიცაა: ერთგულება, დამოუკიდებლობა, სინაზე, სიზარმაცე, ხელოვნებისადმი განსაკუთრებული სიყვარული.
14-დან 21 წლამდე ასაკში ტყუპების ზოდიაქოს პერიოდს გავდივართ. ეს არის ცოდნის შეძენის, სწავლის, კონტაქტების, თანამოაზრეების შეძენის პერიოდი. ამ დროს ცვალებადი ხასიათით გამოვირჩევით, ვხვდებით აჩქარებული, ნერვიული და გაფანტული.
21-დან 28 წლამდე ადამიანი კირჩხიბის ზოდიაქოს პერიოდში იმყოფება. ამ დროს ყალიბდება ნამდვილი სიყვარულის გრძნობა, ჩნდება ოჯახის შექმნის სურვილი, განსაკუთრებით მახვილდება ყურადღება  ტრადიციებისადმი, თუმცა, ამავე პერიოდში იწყება ნევროზები და ეჭვიანობა.
28-დან 35 წლამდე ლომის ზოდიაქოს პერიოდში ვიმყოფებით, როცა ადამიანში ხდება საკუთარი ძალებისადმი რწმენისა და ცხოვრებისეული ხედვის ჩამოყალიბება, წინსვლა კარიერაში.
35-დან 42 წლამდე ასაკში ადამიანი ქალწულის ზოდიაქოს პერიოდშია – ყველაზე მეტად ამ პერიოდში ვეძებთ ჰარმონიულ გარემოსა და ახალ კავშირებს.
42-დან 49 წლამდე ასაკი სასწორის ზოდიაქოს პერიოდია. ამ დროს ადამიანს ეწყება სექსუალური პრობლემები და ძალიან უვითარდება ინტუიცია.
49-დან 56 წლამდე ადამიანი გადის მორიელის ზოდიაქოს პერიოდს. სწორედ ამ დროს მიისწრაფის იგი სულიერებისკენ, ხდება მეტად მგრძნობიარე, დიდსულოვანი და გულუხვი.
56-დან 63 წლამდე ასაკი მშვილდოსნის ზოდიაქოს პერიოდია, ანუ, ერთგვარი კარმული პერიოდი. თუ წარსულში ცუდ საქციელს სჩადიოდით, ამ ასაკში მეტად დაისჯებით ამის გამო. ასტროლოგიურად ეს „კოსმიური სასამართლოს” პერიოდიცაა.
63-დან 70 წლამდე ადამიანი თხის რქის პერიოდს გადის. ამ დროს იმატებს წარსული ცხოვრების ნოსტალგია, სინანული. ამ ასაკში კოსმოსი გვაძლევს კოსმიურ სიმტკიცეს. თუმცა ეს მაინც კრიტიკული პერიოდია.
70-დან 77 წლამდე მერწყულის პერიოდს გავდივართ. თუ გადავლახეთ წინა კრიტიკული ფაზა, მაშინ ამ პერიოდში მეტად ინტუიციური ვხდებით.
77-დან ზევით, ადამიანი თევზების ზოდიაქოს ასტროლოგიურ პერიოდს გადის, როცა ჯამდება განვლილი ცხოვრება, სუსტდება ფიზიკური შესაძლებლობები და ნელ-ნელა უახლოვდება სხვა სამყაროში გადასვლის მომენტს.