ანუ „არ გავარდეს“?!

 თუმცა კაცობრიობისთვის მუმიფიცირება უცხო ხილი არ არის (თვით ეგვიპტელი ფარაონების დროიდან მოყოლებული), რუსი მეცნიერები ირწმუნებიან, რომ ვლადიმერ ლენინის სხეულის შესანარჩუნებლად უნიკალური სამუშაო გასწიეს.
უკვე ლამის სრული ასი წელია, რაც სხვადასხვა ტექნოლოგიის გამოგონებით, ცდილობენ, ისევე ცინცხლად შეინახონ პროლეტარიატის ბელადი, როგორც ის 1917 წლის ოქტობრის რევოლუციის დღეებში გამოიყურებოდა.
ახლახან მავზოლეუმი მცირე ხნით დაკეტეს კიდეც, რომ მეცნიერთა ჯგუფმა ლენინის ცხედარი (უფრო ზუსტად, რაც მისგან დარჩა) მოამზადოს (იმ ბედკრულის დაბადებიდან) 145-ე წლისთავზე დაგეგმილი საჯარო ჩვენებისთვის.
ეს საპატიო მისია დაკისრებული აქვს ბიოსამედიცინო ტექნოლოგიების სასწავლო-მეთოდურ ცენტრს, რომლის ბირთვს შეადგენს 5-6 ანატომი, ბიოქიმიკოსი და ქირურგი. ასევე, ეს უკანასკნელები ეხმარებიან ვიეტნამელი ხო ში მინისა და ჩრდილოკორეელი მამა-შვილის – კიმ ერ სენისა და კიმ ჩენ ირის ცხედრების „გაცოცხლებაში“.
რაკი რუსი მეცნიერები გვარწმუნებეთ ბალზამირების თავიანთი მეთოდის უნიკალურობაში (რისი წყალობითაც, ცხედარს უნარჩუნდება სხეულის ფიზიკური ფორმა, გარეგნული სახე, წონა, ფერი, კანის მოქნილობა და კიდურების მოძრაობის უნარი – ფუი, ეშმაკს!), არც ისაა გამორიცხული, თავის 145-ე წლისთავზე ლენინი მავზოლეუმიდან თავისი ფეხით გამოვიდეს?! –