7 თებერვალს „ჰოთელს&პრეფერენს ჰუალინგ თბილისში“ ჩინეთის ახალმა ელჩმა და მისმა მეუღლემ, საქართველოს მინისტრებთან და სხვა საპატიო სტუმრებთან ერთად, ჩინური ახალი წელი აღნიშნეს. ლომების შოუმ, „ერისიონის“ შესანიშნავმა საცეკვაო თუ მუსიკალურმა ნომრებმა და მხატვრულად გაფორმებულმა სცენამ, მნახველზე დიდი შთაბეჭდილება მოახდინა. ყველა მოწვეულ სტუმარს საჩუქრად გადაეცა საინტერესო წიგნები და ჩინური კულტურისთვის  დამახასიათებელი აქსესუარები. გაიჭრა ულამაზესი, სადღესასწაულო ტორტი და ღონისძიება დამაგვირგვინებელი ფოიერვერკით დასრულდა. უგემრიელესი ალა-ფურშეტის ფონზე სტუმრებმა ისაუბრეს ქართულ-ჩინური ურთიერთობების მნიშვნელობასა და იმ სტრატეგიულ პარტნიორობაზე, რაც ამ ბოლო წლებში წარმატებით ჩამოყალიბდა ამ ორ ქვეყანას შორის.