იგი არ წავა და
სხვა არ მოვა ტურფასა საბაღნაროსა?!

 ამ ჩვენი ოკუპანტი რფ-ის პოლიტიკური ინფრასტრუქტურის ანალიზის ინსტიტუტის დირექტორთა საბჭოთა თავკაცი, ვინმე ევგენი ტუნიკი მიიჩნევს, რომ კრიზისის შედეგად უკმაყოფილების ტალღაზე რუსეთის ფედერაციის ხელისუფლებაში შესაძლოა მოვიდნენ მტრული ძალები.
ჰოდა, რაკი შესაძლებელია, ხსენებულმა ბატონმა რუსეთის „დუმის“ სპიკერს, სერგეი ნარიშკინს, წერილიც გაუგზავნა, რომელშიც რფ-ის კონსტიტუციაში ცვლილებების შეტანას სთხოვს, რომ სრულიად რუსეთის ტერიტორიაზე უარი ითქვას საპარლამენტო და საპრეზიდენტო არჩევნების ჩატარებაზე. რატომ? დასავლეთიდან ასეთი ფართომასშტაბიანი ზეწოლის გამო, რისი მიზანიც, ხსენებული ტუნიკისავე აზრით, რუსეთში ხელისუფლების შეცვლაა.
მეტიც, იგი რფ-ის პრეზიდენტისთვის იმპიჩმენტის გამოცხადების წესის გართულებასაც ითხოვს, რომ ვერავინ და ვერაფრის დიდებით ვერ შეძლოს რუსეთის პრეზიდენტის სკამიდან მისი წამოყენება, თუნდაც მთელი სამყარო დააქციოს.
ჩვენ არ ვიცით, რას უპასუხებს ავტორს ამ ინიციატივაზე „დუმა“, თუმცა, რაკი ვიცით, რომ არჩევნები თვით სსრკ-შიც კი ტარდებოდა, როგორც ჩანს, რფ-ელები სსრკ-ელებზე შორს აპირებენ წასვლას. –