„არ გეგონოს, ცოლს დავტოვებ და შენ გამოგეკიდები“

 თუმცა საკუთრივ რფ-ში ეკონომიკური მდგომარეობა მთლად სახარბიელო ვერ არის, მაგრამ ქვეყანა კვლავ აქტუალურია მსოფლიო პოლიტიკურ რუკაზე; ქვეყანაც და მისი პრ.-ც. ამიტომაც, უცხოური გამოცემები, ცხადია, ინტენსიურად ინტერესდებიან ამ უკანასკნელის აზრებით.
სულ ბოლოს ვლ. პუტინმა გერმანულ გამოცემა „ბილდთან“ ისაუბრა და საერთაშორისო სამართლის თავისებური ხედვაც კიდევ ერთხელ განმარტა.
კერძოდ,  საერთაშორისო სამართალზე საუბრისას განაცხადა, რომ იგი ერთნაირად უნდა ვრცელდებოდეს ყველაზე. მომყავს ციტატა: „საერთაშორისო სამართლის ნორმების დაცვა ძალიან მნიშვნელოვანია. ყირიმის შემთხვევაში საერთაშორისო სამართალი არ დარღვეულა.“
არდარღვევის მიზეზად კი კოსოვოს აღიარება დაასახელა. სახელდობრ, თქვა შემდეგი: „კოსოვოსთან დაკავშირებით გაერთიანებული ერების ორგანიზაციის საერთაშორისო სასამართლომ განსაზღვრა, რომ სუვერენიტეტის საკითხის გადაწყვეტის შემთხვევაში, ცენტრალური ხელისფლების აზრი შეიძლება სულაც არ იყოს გათვალისწინებული.“
რითაც, იმავდროულად, ისიც აღნიშნა, რომ ეს ჩვენი ცხინვალის რეგიონი და აფხაზეთი კოსოვოს მიაყოლა ხურდაში (თუმცა მხოლოდ ყირიმი ახსენა). ოღონდ, ყველაზე საინტერესო მაინც მისი პასუხის ეს პასაჟი იყო: „სახელმწიფოთა შორის ურთიერთობები ცოტა სხვანაირად შენდება. ეს ისე არ ხდება, როგორც ადამიანებს შორის. მე არც მეგობარი ვარ, არც საცოლე და არც საქმრო. მე ვარ რუსეთის ფედერაციის პრეზიდენტი!“
ჩვენ არ ვიცით, რისთვის დასჭირდა პრ. პუტინს ამის განმარტება, ვითომ ვინმემ ხელი სთხოვა?! –