სამი სვანი დამალობანას თამაშობდა და სამივე უგზო-უკვლოდ დაიკარგა.
***
ბოტანიკის გაკვეთილი გურიაში:
– აბა, ბაღნებო, რა შედის ბოსტნეულში?
– ბოსტნის კარები თუ ღიაა, მასწ – ღორი, ძროხა, თხაი და ყოლიფერი.
***
მეგრელი ტრაბახობს:
– რასაც თავში ჩავიდებ, აღარასოდეს მავიწყდება, სულ მახსოვს.
– ჩემი ვალი რომ გაქვს, ის რატომ არ გახსოვს, ძმაო?
– ის თავში კი არა, ჯიბეში ჩავიდე!

ვლად არამოვის ანეკდოტები
ძმაკაცი ეკითხება ძმაკაცს:
–  რა არის ეგ, რომ ორივე ნეკი თითი თაბაშირში გაქვს?
– მოვიტეხე, რა!
– ორივე ერთად?
– ხო, რა, ყურებს ვიფხანდი და დამაცემინა...
***
მიხომ შესჩივლა ექიმს:
– ექიმო, რა ვქნა, სიგარეტს თავი ვერ დავანებე...
– ხომ გითხარი, კანფეტით ჩაანაცვლე-მეთქი!
– ვცადე, ექომო, მაგრამ, კანფეტს ცეცხლი რო არ ეკიდება?
***
გურული ანკეტას ავსებს.
სახელი: ზურიკელა.
გვარი: შევარდნაძე.
ოჯახური მდგომარეობა: მეტად ჩახლართული.
***
ბიჭი მობილურით შეტყობინებას სწერს გოგოს: დილით ვერ ვსაუზმობ –  იმიტომ, რომ შენზე ვფიქრობ; შუადღეს ვერ ვსადილობ –  იმიტომ, რომ შენზე ვფიქრობ; საღამოს ვერ ვვახშმობ –  იმიტომ რომ შენზე ვფიქრობ; ღამით ვერ ვიძინებ –  იმიტომ, რომ მშია!
***
მიხოს ბიჭი დგას კიბეზე და ალუბალს კრეფს. უცებ აყვირდა:
– მამიიი... ნახე, ღრუბლები რა სწრაფად მიდიან!
– ღრუბლები კი არა, კიბე გექცევა, შენი დედაც!..
***
მომაკვდავი ქმარი ეკითხება ცოლს:
– ძვირფასო, რომ მოვკვდები, ხომ მიტირებ?
– რა თქმა უნდა, საყვარელო, ხომ იცი, უბრალო რამეებზე როგორ ადვილად ვტირი ხოლმე.
***
ერთი გურული მეზობელი მეორე მეზობელს შეხვდა:
–  რავაა, ძამა, შენი სიდედრი?
–  მიდის ნელ-ნელა ზალისკენ.
ერთი კვირის მერე ისევ შეხვდებიან ერთმანეთს და ისევ ჰკითხავს მეზობელი:
–  რავაა, ძამა, შენი სიდედრი?
–  მიდის ნელ-ნელა ზალისკენ.
–  რაია, ძამა, ამდენი სიარული? მეორე სოფელში გაქ მაი ზალა?!
***
ჭიჭიკიამ სახლში წასვლის წინ შენიშნა, რომ საყვარლის ნაკოცნი ყელზე წითლად დამჩნეოდა. სახლში მისულს მხიარულად გამოეგება ძაღლი და შეახტა. მიხოს კარგი აზრი მოუვიდა –  დაიწყო ძაღლთან თამაში, ხტუნვა და ყირაზე გადავიდა. ხუთ წუთში, ტანსაცმელშემოხეული სახლში შევიდა.
– ჩვენი ბომბორა სულ გაგიჟდა, ნახე, რა მიყო, –  ეუბნება ცოლს.
– ეგ მოუკვდა პატრონს, ნახე, მეც რა მიქნა, –  და ცოლმა ჩალურჯებული მკერდი   აჩვენა.
***
ერთ დღეს ბიჭიკიამ შეამჩნია, რომ ჭიჭიკიას საყურე ეკეთა.
– რაია, პედერასტების სიაში ჩეეწერე?
– მეიცა, თუ ძმა ხარ. ეს საყურე ჩემი ცოლის გამო გევიკეთე.
– რაია, შენს ცოლს ევასება, სიმონ, პედერასტები?
– პედერასტები კი არა, ეს საყურე ჩვენს ლოგინში იპოვა და, აბა, რა მექნა?!