კლიენტი ბარმენს:
– თქვენ რა, აქ ანონიმი ალკოჰოლიკების კლუბი გახსენით?
– საიდან დაასკვენით, ბატონო?
– სახეზე ვერავის ვცნობ.
***
რუსული ენის გაკვეთილი ქუთაისში. მასწავლებელი სვამს შეკითხვას:
– აბა ვინ გაარჩევს გრამატიკულად წინადადებას: „მამა ს პაპოი პაშლი ვ ბანიუ”.
ხელს წევს პატარა ლადო.
– აბა, მიპასუხე, – ეუბნება მასწავლებელი
– მამა – პოდლეჟაშჩეე, პაპა – ნადლეჟაშჩეე, ა ბანია ეტო პრედლოგ – პასუხობს ლადო.
– მალადეც, ნო ზნაი, პაპა მოჟეტ ბიტ ი ნადლეჟაშჩიმ ი პოდლეჟაშჩიმ, ა ბანია, ეტო მესტოიმენია.
***
– სიდედრი, ნეტავ, სადოური სიტყვაა? – ეკითხება გურული ძმაკაც ანზორიას.
– ბერძნულია ძამა და ქართულად კიბოს ნიშნავს.
***
ავარიაში მოყოლილი მძღოლი თვალს ახელს და პატრულის თანამშრომელს ეკითხება მიკნავებული ხმით:
– რამდენი დამრჩა?
– რა? სიცოცხლე?
– არა კაცო, ქულა!

ტრისტან სარალიძის ანეკდოტები
– გახსოვს ადრე რომ მეუბნებოდი, თუ დაგარტყი, ამერიკაში გაგაფრენო?
– კი. მერე?
– დამარტყი, თუ ჩემი ძმა ხარ, დამარტყი!
***
ბიჭი ეუბნება გოგოს, რომლის მოხიბვლაც უნდა:
– აუ, რა ჭკვიანი და ნაკითხი ხარ...
– არა, მე ჩვეულებრივი ვარ, უბრალოდ შენ ხარ დებილი.
***
– სეროჟ, ცოლს ღალატობ?
– არა, ბიჭო და შევარჩენ!
***
სვანი უმესიჯებს თავის შეყვარებულს: „საყვარელო, მობილური ჩემთან დაგრჩა და არ ინერვიულო.“
***
აღშფოთებული ცოლი პასუხობს ქმრის ზარს:
– ათასჯერ გითხარი, მოვალ 5 წუთში და რაღას მირეკავ ყოველ ნახევარ საათში?
***
კახელი შვილი მიადგება მამას:
– მამიი, გახსომს, რომ მეუბნებოდი, თუ მეოთხე კლასში გადახვალ ას ლარს გაჩუქებო?
– მაგაი, რა დამავიწყებს, ჯო.
– ჰოდა, ენდე... ასი ლარიც დაგეზოგა.
***
შვეიცარიის ერთ-ერთ ბანკში მივიდა ერთი მდიდარი ქართველი:
– მე, თქვენს ბანკში მინდა, ფული შევინახო.
– კი ბატონო და რამდენი გნებავთ, შეინახოთ?
ქართველმა ფრთხილად მიმოიხედა აქეთ-იქით და ჩურჩულით უპასუხა:
– 70 000 დოლარი.
– შეგიძლიათ თამამად ილაპარაკოთ. სიღარიბე ჩვენთან დასაძრახი არ არის.
***
ბავშვი ქოშინით ამოირბენს კიბეს და სირბილით მიადგება მამას:
– მამა, მეზობლის „რეინჯ როვერს“ შემთხვევით ქვა გავარტყი და სარკე გატყდა...
– გადი, ბავშვო, იქით. რა ვიცი, ვინ ხარ!... პირველად გხედავ!..
***
ნათქვამია: ვინც ეძებს, ის პოულობსო, – ეტყობა, ამის მთქმელს, საქართველოში სამსახური არ უძებნია.