ჰორაციუსი: განერიდე იმას, რაც სხვაში არ მოგწონს.
სტენდალი: სირცხვილი ადამიანის ყველაზე მშვენიერი გრძნობის – სიყვარულის დედაა.
ჟან პოლი: ბრძენმა აპოლონმა იცოდა, რომ ყველაზე უკეთ მშიერი ძაღლები ნადირობენ; ყველაზე უკეთ მსუბუქი მორბენლები დარბიან, კაჟისგან კი იქმნება ცეცხლი და ამიტომ, თავის რჩეულს ის სიღატაკით ასაჩუქრებდა, რაც აკეთილშობილებდა მათ სულებს.
ბალზაკი: ვნებების მსხვერპლნი რომ არ გავხდეთ, ისე უნდა მოვიქცეთ, თითქოს ერთი კვირის სიცოცხლე დაგვრჩენოდეს.
ბაუერნფელდი: დიდი ადამიანი თავის დროს წინ უსწრებს, ჭკვიანი გვერდით მიჰყვება, ეშმაკი ცდილობს, რიგიანად მოიხმაროს ის, სულელი კი მისი გზის გარდიგარდმო დგება.
აბელისი: ამპარტავნება და ცუდი აღზრდა წყაროა უმართებულობისა.
ბომარშე: მიზნის მისაღწევად ცოდნაზე არანაკლებ საჭიროა მოქმედება.
შექსპირი: როცა ნაკლებია სიტყვა, მაშინ აქვს მას წონა.
სენეკა: ადამიანთა განათლება უნდა დაიწყოს ანდაზებით და აზრებით – დამთავრდეს.
ბალზაკი: სიყვარული ადამიანში ყველა კეთილ თვისებას აღმოაჩენს.
ჟილკოვსკი: სიყვარული უფრო დიდ ცეცხლს აჩაღებს, ვიდრე შეუძლია, ჩააქროს.
გამბეტა: ღირსებები დამოუკიდებელ ადამიანში ჰპოვებს განვითარებას.
ოთარ ჭილაძე: ქართული სუფრა აკადემიააო, მაგრამ ეს იმას როდი ნიშნავს, აკადემიაც ქართულ სუფრად ვაქციოთ.
როხასი: არ არსებობს იმაზე ცუდი უგუნური, ვიდრე ის, ვინც ლაპარაკში თავის შეკავება არ იცის.
კონფუცი: ყველაფერი, რასაც შეუძლია, ჩვენ უკეთესი და ბედნიერი გაგვხადოს, ღმერთს ჩვენ წინ ან ჩვენ მახლობლად უდევს.
ლაბრიუერი: დიდებულება გვაკვირვებს, არარაობა – გვიზიდავს, ჩვეულება კი ეგუება ერთსაც და მეორესაც.
დემოკრიტე: არ არსებობს იმაზე აუტანელი ბრიყვი, ვისაც არასრული განათლება აქვს მიღებული.
მონტესკიე: სწავლა დინების საწინააღმდეგოდ ცურვას ჰგავს, გაჩერდები და უკან წაგიღებს.
ნიცშე: ერთი შეხედვით რაოდენ მშვიდობიანადაც უნდა გამოიყურებოდეს თავისი არსით, ქალი კატასავით მოუთვინიერებელია.
ჟან ჟენე: ქალები გამუდმებით ვიღაცის წინააღმდეგ უმეგობრდებიან ერთმანეთს.