– ვისკი დალიე, სარა.
– ერთხელ გავსინჯე, ბოს და არ მომეწონა.
– მაშინ, ბურგუნდიული ღვინო მიირთვი.
– ერთხელ დავლიე და არ მომეწონა.
– და, ჩაის ხომ არ დალევ?
– ეგეც ერთხელ გავსინჯე და არ მომეწონა.
– სარა, ერთი შვილი გყავს, ხო?
– კი, ბოსს, როგორ მიხვდით?
– ჰმ!
***
სვანი დედა შვილს კარადის თავზე დააწვენს. ქმარი ეკითხება:
– რას აკეთებ?
– აბა, ლოგინიდან რომ ვარდება, ხმა არ მესმის და...

ვახო ბიჭიკაშვილის ანეკდოტები
ჭიჭიკიას ქუჩაში ძაღლმა უკბინა. ძაღლის პატრონი ეცა და შეწუხებული ეკითხება:
– ვაიმე, ბატონო, შარვალი ხომ არ გაგიხიათ?
– არა, ქალბატონო, შარვალი ამიკაპიწა და ისე მიკბინა!
***
ექიმი პაციენტს:
- რამდენი წლის ხარ?
- სამ თვეში ორმოცის გავხდები.
ექიმმა ანალიზების პასუხებს ჩახედა და ჩაილაპარაკა:
– ჩემს ფეხებს გახდები!
***
სვანი სტუმარს ასეირნებს სოფელში, კოშკებს ათვალიერებენ. უცებ სტუმარი ამბობს:
– ვაიმე, იმ კოშკიდან ვიღაც კაცი თოფს მიმიზნებს!
– ჰო, მე მაგას ძმა მოვუკალი და, ეტყობა, სისხლის აღება უნდა,  უხსნის მასპინძელი.
– მერე, რა მეშველება?
– შენ არაფერი აღარ გეშველება, მაგრამ, ნუ გეშინია, მაგასაც ჩამოუვა სტუმარი და...
***
 პირველი სექტემბერია. პირველკლასელი მიხო სკოლიდან ბრუნდება. დედა კარებში მიეგება და ჰკითხა:
– რა გითხრეს, მიხო, სკოლაში?
– ეჰ, თორმეტი წელი მომარჭვეს!
***
პალატის კარზე აკაკუნებენ. შემოდის მედდა, გადახდის პაციენტს საბანს, ჩახდის საცვალს, ჩაბანს, გადააბრუნებს, ოყნას გაუკეთებს, უკანალზე ნემსს დაარჭობს – მოკლედ, მთელ პროცედურებს ჩაუტარებს, მორჩება და მიდის. პაციენტი ეკითხება:
– ისა და... ხომ ვერ მეტყვით, შემოსვლისას რაღაზე აკაკუნებდით?
***
გატიალებული მთვრალი გურული სახლში მიდის. ცოლი ქოქოლას აყრის:
– ე, მაი ღვინო და არაყია შენი მტერი და მომასპობელი!
– გაჩუმდი, ცა! რა გინდა მერე, ჩემს მტერს გინდა, შევუშინდე?
***
სომხის ცოლი ტირილით უყვება დაქალს:
– კარენამ ისე გამაბრაზა, ვუთხარი, შენი დანახვა აღარ მინდა-მეთქი.
– მერე, რა ქნა?
– ადგა და შუქი ჩააქრო – დენს მაინც დავზოგავო.