კახელი მამასთან იჩხუბებს და სახლიდან წავა. რამდენიმე თვეში მამას მოსდის წერილი, გახსნის და – ცარიელი ფურცელია.
მამა: უყურე ამას შენ! კიდე არ მელაპარაკება ეს შობელძაღლი!
***
სვანი თინეიჯერის დღიურიდან: „ამ შაბათს მაგარი პონტი გაიჩითა – სახლში მარტო დავრჩი და დაიწყო თავბრუდამხვევი სიტუაცია: მაგარი ზმანები, თეთრი ფხვნილი... მაგრამ მერე მშობლები მოვიდნენ და სარეცხი მანქანიდან ამომიყვანეს.”
***
„სვეტსკი” გოგო მანქანას ყიდულობს. გამყიდველი ეუბნება:
– მანქანა აღჭურვილია უსაფრთხოების ბალიშებით და ავარიის შემთხვევაში გაიბერება.
 გოგო გაკვირვებული გადახედავს და ეტყვის:
– საიდან მოიტანე, რომ ავარიის შემდეგ ძილი მომინდება?

ნიკა არაბიძის ანეკდოტები
ექიმმა გურულ პაციენტს წამალი გამოუწერა და უთხრა:
– აი, ეს წამალი, დღეში სამჯერ უნდა დალიოთ, ჭამის შემდეგ.
გურული აღშფოთდა:
– რას ამბობ, ექიმო? სამჯერ რომ ვჭამდე დღეში, ძამა, ავად რა გამხდის?
***
ჭიჭიკია ეტრაბახება ბიჭიკიას:
– აუ, ბიჭიკია, გუშინ მაგარი ქალი დევითრიე, ქალის უნახავი იქნები იმფერი...
– მერე?
– წევიყვანე მაგარ მაღაზიაში და მაგარი შუბა ვუყიდე.
– მერე?
– მერე საიუველირო მაღაზიაში შევიყვანე და მაგარი ოქროს სამაჯური ვუყიდე, ბრილიანტის თვლებით გაწყობილი.
– მერე, მერე?
– მერე ყველაზე მაგარ რესტორანში დავპატიჟე.
– მერე ჭიჭიკია?
– რა მერე... გავაცილე სახლში.
– ე, ბიჯო, თუ არაფრის კადრებას აპირებდი, წაგეყვანა ჩემი ცოლი.
***
ექიმს შესჩივის პაციენტი:
– ექიმო, რაც ცოლი მოვიყვანე, მხედველობის პრობლემები შემექმნა.
– რა მოხდა?
– ფულს ვეღარ ვხედავ.
***
საუბარი სილამაზის სალონში:
– მანიკიური მინდა, როგორიც ჯენიფერ ლოპესს აქვს, მაკიაჟი მინდა, როგორიც ანჯელინა ჯოლის აქვს, პედიკიური მინდა, როგორიც ნაომი კემპბელს აქვს...
– უკაცრავად და... ჟერარ დეპარდიეს სახე დავტოვოთ?
***
გურიაში, სკოლაში მასწავლებელი შედის კლასში:
– ჯაში, დაფასთან!
– სია მაინც ამეიკითხე, მასწავლებელო, ვარ კლასში?
***
დაქალი ეჭორავება დაქალს:
– აუ, გოგო, ვერ ვიტან მოულოდნელად მოსულ სტუმრებს. ვერაფრის გადამალვას ვერ ვასწრებ, რა...
***
– გუშინ საღამოს, ათ საათზე დავწექი.
– მერე?
– ბედნიერებისგან მზის ამოსვლამდე ვერ დავიძინე.
***
– მე მგონია, რომ შენ ჩემთან, უბრალოდ, იმის გამო ხარ, რომ ბევრი ფული მაქვს, ბინა, მანქანა... მგონია, მიყენებ.
– კარგი რა, საყვარელო, ბებიის ტოლა ქალს როგორ გაკადრებ მაგას.