ანუ რკინა ჭამონ?

 მაშინ, როდესაც რფ-ის მოქალაქეებისთვის ევროკაშვირულ-ამერიკული სასურსათო პროდუქცია მიუწვდომელია და მხოლოდ ნერწყვი თუ მოადგებათ, სახელდობრ, ევროპული დროშის, ისიც ოდენ ფოტოს ცქერისას, გაირკვა, რომ ინდური BAJAJ  AUTO რუსულ ბაზარს მსოფლიოში ყველაზე იაფი ავტომანქანა QUTE-ით მოამარაგებს.
ამ ავტოსიახლის ფასი 250 000 რუსული რუბლი იქნება (ანუ 4 000 აშშ დოლარამდე). ახალთახალი QUTE-ბით რბოლას რუსეთელები 2016 წლის მარტი-აპრილიდან შეძლებენ, მანამდე კი რფ-ში ყველაზე იაფფასიან ავტოდ ჩინური LIFAN SMILY რჩება (ფასი – 300 000 რუსული რუბლი).
ინდური მანქანის პარამეტრები შემდეგნაირია: ოთხადგილიანია და ერთცილინდრიანი, ბენზინის ძრავით მოტოციკლისთვის და მაქსიმალური სიჩქარით – 70 კილომეტრი საათში, წონით – 400 კგ. და, თუმცა თავად ინდოეთში მისი ფასი 2 000 აშშ დოლარია, რუსეთში ის, როგორც მოგახსენეთ, ორმაგ ფასში გაიყიდება, თანაც, მიენიჭება კვადროციკლის კატეგორია. მისი მართვისთვის კი რუს მძღოლებს B კატეგორიის მართვის მოწმობა გამოადგებათ.
ჩვენ არ ვიცით, მიეძალებიან თუ არა ჩვენი მეზობელი ქვეყნის მოქალაქეები იაფ ინდურ ავტომანქანებს, მაგრამ ერთის თქმა კი ნამდვილად შეგვიძლია: თუ მოშივდებათ, QUTE-ბზე დასხდნენ. –