ოკუპანტები და შიდსის ეპიდემია

 ჩვენი მეზობელი და ოკუპანტი რფ-ის ჯანდაცვის უწყების თავკაცმა ვერონიკა სკვორცოვამ რფ-ისვე მთავრობას აუწყა, რომ 2020 წლისთვის ქვეყანაში შიდსით დასნებოვნებულთა რიცხვი, სავარაუდოდ, 250 პროცენტით გაიზრდება, ოღონდ, იმ შემთხვევაში, თუ შენარჩუნდა ამჟამად არსებული დაფინანსების დონეო.
შესაბამისად, გააფრთხილა მოსახლეობაც, რომ რუსეთის მთელ ტერიტორიაზე შიდსის ეპიდემიაა მოსალოდნელი. ხოლო, რაკი ეპიდემიაა, რომ დაიწყება, კონტროლსაც აღარ დაექვემდებარება და თითოეული მოქალაქისთვის (რასაკვირველია, რუსეთის) დაავადების რისკი საგრძნობლად გაიზრდება და ჯანდაცვის მინისტრმა ხაზი გაუსვა – მით უფრო, რომ დაავადება სქესობრივი გზით გადადისო (რითაც მიანიშნა მოსახლეობის მიდრეკილებაზე ამგვარობებისკენ).
რა თქმა უნდა, მონაცემები საგანგაშოა (ჰუმანისტის პოზიციიდან), თუმცა, თუ ამ ტემპით გაგრძელდა რუბლის გაუფასურება, მეორე მხრივ კი, რფ კვლავაც აქტიურად იბრძოლებს ახლო აღმოსავლეთში, საეჭვოა, ზემოხსენებული მიმართულების დაფინანსება გაიზარდოს.
ამდენად, იბადება რიტორიკული კითხვა (ოკუპირებულის პოზიციიდან): საოკუპაციო ჯარების რამდენ პროცენტს მოიცავს შიდსის ეპიდემია?! –