ანუ გამოყირიმებული

 ისე მოხდა, რომ უკრაინის პრეზიდენტი პოროშენკო ნელ-ნელა აჩვევს უკრაინელების ყურებს, რომ ყირიმი მარილზე გავიდა, ანუ პატრონს ჩაჰბარდა და მისი შოკოლადის ქარხანაც შეუფერხებლად მუშაობს რფ-ის ტერიტორიაზე.
ასე, მაგალითად, გასულ კვირას კადეტების წინაშე სიტყვით გამოსვლისას ბ-ნმა პოროშენკომ ბრძანა შემდეგი (მომყავს ციტატა): „იმედი მაქვს, დამყარდება მყარი მშვიდობა და ჩვენ აღარ მოგვიწევს ომი. ჩვენ დავიბრუნებთ დონბასს დიპლომატიური გზით.“
ჩვენ არ ვიცით, რა აიმედებს მას, თუმცა ვიცით, რომ იმავე გასულ კვირას, ბ-ნმა პოროშენკომ თავისი ძალები უკრაინულ ავიაგამანადგურებელზე მოსინჯა. მეორე მხრივ, მართალია, ჩვენთვის ისიც უცნობია, დასცა თუ არა შიშის ზარი ლუგანსკელ და დონეცკელ სეპარატისტებს, მაგრამ, სამაგიეროდ, გვახსოვს, რომ ავიაგამანადგურებელში პოზირება ვლადიმირ პუტინსაც უყვარს და მიხეილ სააკაშვილსაც (სხვათა შორის, უგო ჩავესსა და ჯორჯ ბუშსაც უყვარდათ). ასე რომ, ისღა დაგვრჩა გასარკვევი, რფ-ის პრ.-ს მიჰბაძა თუ ოდესის გუბერნატორის რჩევა გაითვალისწინა?! –