ანუ ყელყელაობა

თუმცა რფ უზბეკეთს მილიარდამდე აშშ დოლარის ოდენობის ვალს პატიობს, სამაგიეროდ, მოსკოველ პენსიონერებს, 1,2 მილიონ ადამიანს, უხსნის შეღავათებს, თუმცა პენსიონერთა კავშირი არ აპირებს, შეუერთდეს საპროტესტო აქციებს. კერძოდ, ორგანიზაციისა და, იმავდროულად, ფედერაციის საბჭოს კომიტეტის თავკაცმა განმარტა, რომ პენსიონერთა კავშირი გაგებით ეკიდება გაუქმებას, ვინაიდან იცის მიზეზებიო.
კერძოდ, იმასაც განმარტავს, რომ პენსიონერთა თავდაპირველი უკმაყოფილება არასათანადო ინფორმირებულობამ გამოიწვია (ადგილობრივი „დუმის“ დეპუტატებმა ჯეროვნად ვერ აუხსნეს მოხუცებს, თუ რატომ უუქმდებოდათ შეღავათები); არადა, მიზეზი საპატიოა – მოსკოვისა და მოსკოვის ოლქის მთავრობას არ აქვს ახლა საშუალება, დახარჯოს 4 მილიარდი რუბლი მოსკოველი პენსიონერებისთვის მგზავრობაზე შეღავათების დასაწესებლად (თან, ყველა პენსიონერი არც მგზავრობს ყოველდღიურადო).
უდავოდ, საინტერესო ლოგიკაა – არ აქვთ 4 მილიარდი რუბლი (70 მილიონი აშშ დოლარი). მაგრამ, აქვთ 900 მილიონი აშშ დოლარი, რომელიც უზბეკეთს ჩამოაწერეს, თუმცა, მთავარი, როგორც ჩანს, გაგებაა?! –