სოკრატე: უნდა ჭამო, რომ იცხოვრო და არა იცხოვრო, რომ ჭამო.
იბსენი: შიში, როდესაც საშიშია, ყველას ერევა.
ლაფონტენი: მოთმინება და დრო უფრო მეტს იძლევა, ვიდრე ძალა და ვნება.
ტორო: ჭეშმარიტება გაშმაგებით არასოდეს ებრძვის ბოროტებას. მისი სიცხადე, სიაშკარავე და შინაგანი ძლიერება ყველაზე მეტად ამარცხებს ბოროტებას.
მერიმე: დღეს ადამიანობაა, თუ უმოწყალო ხარ, ხოლო უმოწყალობაა, თუ ადამიანობას ირჩევ.
ოთარ ჭილაძე: სიტყვის დასანახად ხალხი მაღლა უნდა აახედო.
ნაპოლეონი: საზოგადოება ვერ იარსებებს ქონებრივი უთანასწორობის გარეშე, ხოლო უთანასწორობა – რელიგიის გარეშე. ყოველგვარი უთანხმოება მხოლოდ რელიგიით შეიძლება, დაბალანსდეს.
ლემერი: მტერთა შორის ჩვენი ყველაზე საშიში მტერი ის არის, ვინც გვიმტკიცებს, ვითომ ჩვენთვის იღვწის.
პარკერი: წყალში მარტო შენს სახეს დაინახავ, ღვინოში – სხვის გულსაც.
ნაზონი: საუკეთესო ის ცხოვრებაა, როცა არ აკეთებ იმას, რასაც სხვაში გმობ.
რუსო: ადამიანები იმიტომ კი არ ცდებიან, რომ არ იციან, არამედ იმიტომ, რომ ჰგონიათ, ვიცითო.
ეპიქტეტე: ათასში ერთხელ ხდება, როცა სინანულს გამოხატავ ნათქვამის გამო, მაგრამ, საეჭვოა, ერთხელ მაინც ინანო, რომ გაჩუმება ამჯობინე.
ლაიბნიცი: ხალხს ნაკლოვანებები ისე არ სძულს, როგორც სისუსტე და უბედურება.
პურანა: ეცადე, საკუთარ თავზე დიდი წარმოდგენა გქონდეს. თუ შეგიძლია დაიჯერო, რომ ცუდი ხარ, იცოდე, უკვე ისაა ცუდი, რომ ამის დაჯერება არ გინდა.
ჰაინე: აზრი უხილავი ბუნებაა, ბუნება კი უხილავი აზრია.
ჩენ ძიანი: ვინც მომავალისკენ იხედება, აწმყოს უკეთესად ხედავს.
ერენბურგი: ბარბაროსები მზად არიან, ამოხოცონ კაცობრიობის მომავალი იმიტომ, რომ ეს მათი მომავალი არ არის.
სოლომონი: გონიერზე საყვედური უფრო ძლიერ მოქმედებს, ვიდრე უგუნურზე ასი დარტყმა.
ლაბულე: სიკვდილი საშიში არაა, რადგან, როცა ის არსებობს, ჩვენ აღარ ვართ, ხოლო როცა ჩვენ ვარსებობთ, ის არ არის.
ჰეგელი: შეეცადე, შეასრულო შენი ვალი და გაიგებ საკუთარი თავის ფასს.
როკფელერი: ჩვენ ყველანი ერთი ცის ქვეშ ვცხოვრობთ, მაგრამ თითოეულად.
მაკარენკო: ასწავლო ადამიანს, ბედნიერი იყოს, არ შეიძლება, მაგრამ აღზარდო ისე, რომ ბედნიერი გახდეს, შეიძლება.
ემერსონი: ყოველი ადამიანი, რომელთანაც ურთიერთობა მაქვს, რაღაცით მაინც მჯობია და მზად ვარ, ვისწავლო მათგან.
როლანი: ჯანმრთელობა ისევე გადამდებია, როგორც ავადმყოფობა.
ბოვუარი: ფსიქოანალიტიკოსები მამაკაცს ადამიანს უწოდებენ, ქალს კი – მდედრს. ყოველთვის, როცა ქალი ადამიანურად იქცევა, ისინი ამბობენ, მამაკაცს ჰგავსო.