კითხვა: ქრისტიანული მშვიდობისმოყვარეობა ნიშნავს თუ არა მოყვასის ბოროტებაზე თვალების დახუჭვას?
პასუხი: ახლობლებთან მშვიდობის დამყარების ვალდებულება არ ნიშნავს, რომ დავთანხმდეთ მათ ავ ზრახვებს, აზრებსა და ცდუნებებს. ეს დიდი ცოდვაა. ქრისტიანის ვალია, არ დაეთანხმოს მანკიერი ადამიანის ავ ზრახვებსა და ქმედებებს, ეს აუცილებელია!
კითხვა: მიზანშეწონილია თუ არა ქრისტიანისთვის გრძელი და გადაბმული საუბარი?
პასუხი: ბევრი ლაპარაკი არ არის მიზანშეწონილი. წმიდა მამა არსენი იმ ადამიანზე, ვინც დიდხანს რჩებოდა მასთან, ასე ამბობდა: საუბრის დასაწყისში მას ვუყურებ, როგორც ანგელოზს, ხოლო ბოლოს, თუკი წასვლას აგვიანებს – როგორც მაცდურს.
კითხვა: რა არის ის აუცილებელი, რაც მოყვასთან მიმართებაში გვევალება?
პასუხი: უმთავრესია მოყვასს არ მისცეთ ცრუ დაპირება და მტკიცედ შეასრულოთ მიცემული სიტყვა.
კითხვა: საფლავზე, სადაც ორი ან მეტი ადამიანია დაკრძალული, უნდა აღიმართოს საერთო ჯვარი თუ თითოეულს ცალ-ცალკე ჯვარი უნდა ედგას?
პასუხი: სასურველია, ყოველი გარდაცვლილი ადამიანის საფლავს ჰქონდეს ჯვარი. მაგრამ თუ არ არის ამის საშუალება, საფლავზე ერთი ჯვარი მაინც უნდა იყოს.