გოეთე: უფრო ადვილია მცდარობის დადგენა, ვიდრე ჭეშმარიტების აღმოჩენა.

ნიცშე: ადამიანები ვერ მშვიდდებიან, როცა მათ მტრები ატყუებენ ან მეგობრები ღალატობენ, ხოლო, როცა ისინი თავს იტყუებენ, თითქოს კმაყოფილებიც რჩებიან.

ჰაინე: ერთადერთი სილამაზე, რომელიც მე ვიცი, ესაა ჯანმრთელობა.

ლესინგი: მეგობრის მოვალეობის შესრულება უფრო ძნელია, ვიდრე მეგობრით აღფრთოვანება.

ალიგიერი: ძალა და სიცარიელე ბოროტების იარაღია.

კენედი: ხალხს, რომელიც ხელისუფლებას განამტკიცებს, შეუფასებელი წვლილი შეაქვს, მაგრამ, არანაკლები წვლილი შეაქვთ მათ, ვინც ეჭვის ქვეშ აყენებენ ხელისუფლებას.

ოთარ ჭილაძე: სასჯელის შიში გაცილებით მეტს აკეთებს, ვიდრე სასჯელი.

ლამეტრი: ის, რაც დაკავშირებულია კანონთან, იძლევა უფლებას, მაგრამ, თავად ეს უფლება არ არის არც ჭკუისა და არც სამართლიანობის უფლება, ეს ძალის უფლებაა.

ნაპოლეონი: ომი მოიგო არა იმან, ვინც კარგი რჩევა გასცა, არამედ იმან, ვინც პასუხისმგებლობა საკუთარ თავზე აიღო და მისი შესრულება ბრძანა.

ტალეირანი: ენა იმიტომ მიეცა ადამიანს, რომ თავისი აზრები დამალოს.

რერიხი: სიხარული განსაკუთრებული სიბრძნეა.

მოლიერი: მოშურნეები კვდებიან, შური კი უკვდავია.

რონი: ლიდერის მიზანი უნდა იყოს, დაეხმაროს მას, ვინც რამეს ცუდად აკეთებს, რომ ის კარგად გააკეთოს და, ასევე,  დაეხმაროს მას, ვინც საქმეს კარგად აკეთებს, რომ უკეთესად გააკეთოს.

ჰელვეციუსი: ცდომილება მუდამ თავის თავს ეწინააღმდეგება, ჭეშმარიტება – არასოდეს!

დემოკრიტე: ადვილია იმის ქება, რაც არ იმსახურებს შექებას და იმის ლანძღვა, რაც არ იმსახურებს ლანძღვას – ერთიც და მეორეც ცუდი ზნის ადამიანებისთვის არის დამახასიათებელი.

ბუალო: მოერიდეთ ხუმრობას ჯანმრთელი აზრის წინააღმდეგ.

სოფოკლე: გეშინოდეს უვიცობის, მაგრამ, უფრო მეტად გეშინოდეს ყალბი ცოდნის.

ხილონი: ძალიან ჭკვიან ფილოსოფოსსაც კი უჭირს ბრიყვულ შეკითხვებზე პასუხის გაცემა.

იბსენი: ხალხი სასტიკია, მაგრამ ადამიანი – კეთილი.

მაქსველი: გაუბედაობა ღირსებაა უღონობისა.

ტოლსტოი: ცხოვრებაში არსებობს ერთი უდავო ბედნიერება – იცხოვრო სხვისთვის.

შამფორი: რაოდენ ცუდადაც არ უნდა ფიქრობდეს მამაკაცი ქალზე, ნებისმიერი ქალი გაცილებით ცუდს ფიქრობს მასზე.