სულიერი განწმენდის გზა უპირველესად ცოდვათა მონანიებაზე გადის, მაგრამ მარტო საკუთარ სულზე ზრუნვა 70-წლიანი უღმერთობა გამოვლილი შვილებისათვის არ არის საკმარისი. წინაპართა ცოდვების მონანიებისათვის ლოცვა აუცილებელია, რათა ბოლოს და ბოლოს ერი დაადგეს ღვთივკურთხეულ და ღვთისმშობლის მფარველობის ღირსი ქვეყნის გზას.

ამიტომაც საქართველოს კათოლიკოს პატრიარქის მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის ილია II ლოცვა-კურთხევით იქმნება იელის მაცხოვრის ხატი (XI-ს.) და ჩუკულისყრიმიანი ღვთისმშობლის სასწაულმოქმედი ხატი (XI ს,), რომლის ორიგინალი გასაბჭოების დროს, ანტირელიგიური მოძრაობებისას განადგურდა.

ამ ხატების ხელახლა შექმნის შესაძლებლობა არქივებში შენახული ორიგინალის ამსახველი მასალის მიხედვით გვაძლევს საშუალებას მოვინანიოთ როგორ ჩვენი, ისე წინაპართა ცოდვები.

ღმერთმა შეიწიროს თქვენს მიერ გაღებული შემოწირულობა ვერცხლის ან თანხის სახით.

აცხოვნე უფალო მონანი და მხევალნი შენნი (სახელები) სიტყვათა მიერ საღმრთოითა სახარებისათა, რომე იგი აღმოიკითხვიან საცხოვრებლად მონისა შენისა, დაწვენ უფალო ეკალნი ყოველთა შეცოდებათა მისთანა, რათა დაიმკვიდროს მას შინა მადლმან შენმან, რომელი შესწვავს, განწმენს ყოველსა კაცსა სახელითა მამისათა და ძისა და სულისა წმინდისათა ამინ!