„ბედი მომეც“

ისრაელის კომპანიამ ტენდერში გაიმარჯვა, რის მიხედვითაც, ის ევროპაში გაგზავნის მილიონობით სპეციალურად მომზადებულ, არც მეტი, არც ნაკლები – ბუზებს.

ეს თითქოს მავნე მწერები – ბუზები – სტერილიზდებიან სპეციალური რადიაქტიური ტექნოლოგიით, რაც მათ ბუნებრივ გავრცელებას შეუწყობს ხელს.

ეს უცნაური პროექტი ატომური ენერგიის საერთაშორისო სააგენტოს მხარდაჭერითაა შექმნილი, რათა ხელი შეუწყოს ბირთვული ტექნოლოგიების მშვიდობიანი მიზნებით გამოყენებას.

კერძოდ, პროცესი შემდეგნაირად განხორციელდება: სპეცბუზებს ევროპის ტერიტორიაზე თვითმფრინავებიდან გაუშვებენ ბაღების სიახლოვეს, რომ მათ მავნე და ბუნებრივი ბუზები გამოდევნონ, რითაც ევროპელ მებაღეებს ხილ-ბოსტნეულის უვნებელი მოსავლის აღებაში დაეხმარებიან.

ტექნოლოგია ფერმერებს იმითაც უწყობს ხელს, რომ მათ შეეძლებათ, დამატებითი სასუქებისა და პესტიციდების გამოყენების გარეშე იმუშაონ, რადგან მავნებლებს ამიერიდან სპეცბუზები გააუვნებელყოფენ.

მოსავლის გადარჩენა, უდავოდ, საშური საქმეა, თუმცა ოკუპანტების განდევნაც რომ ასეთივე მარტივი იყოს  (სპეცოკუპანტების გამოყენებით), ჩვენს ბედს ძაღლი არ დაჰყეფდა.  პათოსით: ბედი (ანუ ბუზი) მომეც, სანეხვეზე დამაგდე (ამ კონკრეტულ შემთხთვევაში, ოკუპანტებში ჩამაგდეო). –