კითხვა: ადამიანებთან ურთიერთობაში აქვს თუ არა მნიშვნელობა, როგორი გულისხმიერებით დაველაპარაკებით, თუ მთავარი საუბრის შინაარსია?
პასუხი: მოყვასს შეიძლება აწყენინო არა მხოლოდ სიტყვით, არამედ ხმის ტონით, მანერით. მოყვასის მიმართ თქმული ალერსიანი სიტყვებით კი შეიძლება დააგროვო სულიერი კაპიტალი, ამიტომ ეცადეთ იყოთ თბილი და ტაქტიანი.
კითხვა: რა გზით გადმოვა ჩვენზე ტაძარში სულიწმინდის მადლი?
პასუხი: ტაძარში უნდა იაროთ არა მხოლოდ სიამოვნების მისაღებად, გალობის მოსასმენად და სიმშვიდის მოსაპოვებლად, არამედ უნდა მიხვიდეთ მადლის მოსაპოვებლად, სინანულით თქვენი ცოდვების მიმართ და მუდმივად უნდა იყოთ ღვაწლში.
კითხვა: როგორ აღვნიშნოთ გარდაცვლილი ახლობლის გარდაცვალების დღე?
პასუხი: ამ დღეს გარდაცვლილის სახელზე აღვავლენთ პანაშვიდს და ვლოცულობთ, გავცემთ მოწყალებას. ახლობლისგან გარდაცვლილის ხსენება მისთვის ლოცვის გაგრძელებაა. შეიკრიბეთ ახლობლები და გაიხსენეთ გარდაცვლილი ახლობლები, ევედრეთ უფალს მისი სულისთვის, უფალი ბრძანებს: სადაც ერთი ან ორი შეიკრიბოს ჩემი სახელით, მეც მათთან ვიქნები.
კითხვა: მაქვს ნათლობის სამი ჯვარი, შეიძლება თუ არა მათი გადადნობა და ერთ ჯვრად ტარება?
პასუხი: ნათლობის ჯვრების გადადნობა არ შეიძლება. ატარეთ ერთ-ერთი, დანარჩენი კი სათუთად შეინახეთ.