გუფთები რძის სოუსში
საჭირო ინგრედიენტები: 500 გრამი ღორისა და ქათმის ხორცის ფარში, 1 თავი ხახვი, 2 კბილი ნიორი, 3 ნაჭერი თეთრი, ფუნთუშასავით პური, 1 ჭიქა რძე, 2 სადილის კოვზი ფქვილი, 30 გრამი კარაქი, 3 სადილის კოვზი ზეთი, მარილი, პილპილი, ხმელი სუნელი, სხვადასხვა მწვანილი.
მომზადების წესი: ფარშში შეურიეთ პური, დანაყილი ნიორი, ხახვი და სუნელი. 1 სადილის კოვზი ფქვილი დაყარეთ ტაფაზე, დაუმატეთ კარაქი და ზეთი და მოშუშეთ კარგად. ნელ-ნელა დაასხით ერთი ჭიქა რძე და კარგად გახსენით, უყავით მარილი და პილპილი და ადუღეთ 10 წუთის განმავლობაში – ეს არის სოუსი. ფარშისგან გააკეთეთ მრგვალი გუფთები, ჩააწყვეთ სოუსში და შუშეთ 30-35 წუთის განმავლობაში. ბოლოს მოაყარეთ წვრილად დაჭრილი მწვანილი.