ვალენტინობა ახლოვდება და შეყვარებული ადამიანები ერთმანეთისთვის საჩუქრებისა და სიურპრიზების გასაკეთებლად ემზადებიან. სპეციალურად მათთვის, ვისაც სურს, საყვარელ ადამიანს არაჩვეულებრივი სიურპრიზი მოუწყოს და მასთან ერთად თავადაც ლამაზი და რომანტიკული საღამო გაატაროს  საქართველოში არაჩვეულებრივი მომღერალი ჩამოდის –  ცნობილი ავსტრიელი შემსრულებელი ლუი ოსტინი წელს ვალენტინობას თბილისელ შეყვარებულებს მიულოცავს. მომღერალი ქართველ მსმენელს მხოლოდ ერთ,13 თებერვლის საღამოს აჩუქებს, რომელიც ყოფილი „პირიმზის” შენობაში გაიმართება. ლუი ოსტინი გასული საუკუნის მუსიკის ყველაზე რეიტინგულ მიმდინარეობას უწევს პროპაგანდას –  ის არის ძირითადად სენტიმენტალური სიმღერების შემსრულებელი, რომელიც მონაწილეობას იღებს სხვადასხვა კულტურულ და მუსიკალურ ღონიძიებაში.1999 წლიდან ლუი ოსტინი, ასევე, ასრულებს ელექტრონულ მუსიკასაც და გამოშვებული აქვს უამრავი ალბომი და სინგლი ამ ჟანრში, როგორც ელექტრო-სენტიმენტალური სიმღერების შემსრულებელს – მის სახელზე 7 მუსიკალური ალბომი ირიცხება. ოსტინის მუსიკით გაფორმებულმა სტეფან რუზოვიცკის   ფილმმა – „ფარისეველმა“ 2008 წელს „ოსკარი” აიღო  ნომინაციაში – „საუკეთესო უცხოური ნამუშევარი.”