2015 წლის 11-17 იანვარს ყაზახეთის ქალაქ ალმაათაში ტრადიციულად ჩატარდა ჟაუტიკოვის სახელობის მე-11 საერთაშორისო ოლიმპიადა მათემატიკაში, ფიზიკასა და ინფორმატიკაში, სადაც თბილისის დემირელის სახელობის კერძო კოლეჯის გუნდმა მე-2 ადგილი დაიკავა.

ამ ოლიმპიადაში, ტრადიციულად, არა ქვეყნების ნაკრებები, არამედ, ფიზიკა-მათემატიკის სპეციალიზებული სკოლების გუნდები მონაწილეობდნენ. წელს ოლიმპიადაში 15 ქვეყნის 59 უძლიერესი გუნდი მონაწილეობდა, ხოლო მონაწილე მოსწავლეთა რაოდენობა 480-ს აღწევდა, რაც კიდევ ერთხელ უსვამს ხაზს ამ ოლიმპიადის პრესტიჟულობას.

გუნდურ რეიტინგში, ინფორმატიკაში, დემირელის კოლეჯმა მეორე ადგილი მოიპოვა და,  გუნდური რეიტინგით, გრანპრის მფლობელ გუნდსაც კი გაუსწრო.

გუნდის ყველა წევრმა მედალი მოიპოვა: 

გიორგი სხირტლაძე – დემირელის სახელობის კერძო კოლეჯი – ოქრო (ინფორმატიკა); ნუგზარ ჩხაიძე – დემირელის სახელობის კერძო კოლეჯი – ბრინჯაო (ინფორმატიკა); თემურ მიქავა – დემირელის სახელობის კერძო კოლეჯი – ბრინჯაო (ინფორმატიკა); საბა ძმანაშვილი – დემირელის სახელობის კერძო კოლეჯი – ბრინჯაო (მათემატიკა); გიორგი კლდიაშვილი – ქუთაისის ნიკო ნიკოლაძის სახელობის სკოლა-ლიცეუმი – ბრინჯაო (მათემატიკა).