კითხვა: რა მიზეზით შეიძლება გაუჩნდეს ადამიანს უკეთური აზრები, მისდა უნებურად, უფლის, ღვთისმშობლისა და წმიდანების მიმართ?

პასუხი: თუ ასეთ აზრებს შეგნებულად არ ეთანხმებით, ამაში თქვენ არ ხართ დამნაშავე, ასეთ დროს ეშმაკი შთაგაგონებთ ბოროტ აზრებს, რათა ცოდვაში ჩაგაგდოთ და დაგაშოროთ უფალს. ეცადეთ, არავითარი ყურადღება არ მიაქციოთ ამგვარ აზრებს.

კითხვა: რა ევალება ავადმყოფს?

პასუხი: როგორც ღირსი თეოდორე სტუდიელი ამბობს: ნუ შექმნით ავადმყოფობას უსაქმურობის საბაბად. სნეულების დროს ადამიანს ფრიად არგებს საღვთო წიგნების წაკითხვა, ან მოსმენა, რათა არ აჰყვეს უქმ აზრებს

კითხვა: იხდიან თუ არა მორწმუნენი თავიანთ დაბადების დღეს გრანდიოზულად?

პასუხი: მართლმადიდებლური ჩვეულებით, მორწმუნენი თავიანთ დაბადების დღეს დიდი ზეიმით არ იხდიან. ეს ერთგვარად ამპარტავნებაშიც აგდებს ადამიანს. უმჯობესია, აღნიშნოთ თქვენი ზეციური მფარველის – მოსახელე წმინდანის მოხსენიების დღე.

კითხვა: არის თუ არა დამოკიდებული ოჯახის სიმშვიდე და კეთილდღეობა დიასახლისის მორწმუნეობაზე?

პასუხი: ათონელი ღირსი მამა პაისის თქმით: „განწმინდეთ თქვენი ცხოვრება, როდესაც დიასახლისი ლოცულობს სახლში სამუშაოს შესრულების დროს, ყოველივე განიწმინდება; არა მარტო თვით საკვები, არამედ ისინიც განიწმინდებიან, ვინც ამ საკვებს გეახლებიან.“