ბესო ბერულაშვილის ანეკდოტები

ორი გურული შეხვდა ერთმანეთს:

– რაფერ ხარ?

– გადასარევად! შენ?

– მე გადევირიე უკვე!

***

სვანი ჩართავს კომპიუტერს და გაბრაზდება: 

– მოკლედ, ტუალეტში გადაღებული იმდენი ფოტო დევს ამ „ფეისბუქზე”, მალე აქ შესვლა 20 თეთრი გახდება!.

***

მიხო ეკითხება მაროს:

– მარო, ვანუა სახლშია?

– არა, ქალაქში წავიდა! 

– მამცემ?

– რაა? გაგიჟდი, მიხო?

– რათა ქალო, ლამაზი ხარ, ნაზუქივით, კაცი გულგრილი ვერ ჩაგივლის. ეგეთი გულქვა უნდა იყო?

– უი, დაგაყარე მეხი! მე მეგონა, ჭაჭასა მთხოვდი.

***

ცოლ-ქმარს ისეთი მაგარი სექსი ჰქონდათ, მეზობლები აივანზე სიგარეტს ეწეოდნენ.

***

ექიმი ეუბნება პაციენტს:

– ხვალ დილით ადრე მობრძანდებით, ოპერაციამდე ერთი საათით ადრე, მშიერი, არანაირი საკვების მიღება არ შეიძლება ოპერაციის წინ და ეს გაითვალისწინეთ.

პაციენტი:

– არც ყავის დალევა შეიძლება, ექიმო? ძალიან მიყვარს უზმოზე.

ექიმი:

– არც ყავა!

– რატომ, ნარკოზზე აღარ დამეძინება?

***

მეგრელი ურეკავს სვანს და ეუბნება: ტელეფონზე სალაპარაკო არ მაქვს და შენ ილაპარაკეო. 

ნიკა არაბიძის ანეკდოტები

იმერელი მამა არიგებს შვილს ჭკუას:

– ისწავლე შვილო, რა გაკლია? აგერ, ეგნატე ნინოშვილი ისეთი გაჭირვებული იყო, ცივ ჭადს ჭამდა, მაგრამ ხომ ხედავ, რა კაცი დადგა და მის დაწერილს ახლაც სკოლაში გასწავლიან.

– ვერ ყოფილა, ეგ ეგნატე ნინოშვილი, მაინცადამაინც მოხერხებული ადამიანი, – მიუგო შვილმა.

– რატომ ვითომ? – გაოცდა მამა.

– რატომ და, ის ჭადი ცხელი არ ცხვებიდა? რას უცდიდა გაციებას.

ვახო ბიჭიკაშვილის ანეკდოტები

– რა ღირს თუთიყუში?

– რომელი?

– აი, შუაში რომ ზის.

– 10 000 დოლარი.

– რა ამბავია? რას აკეთებს ასეთს?

– ეგ, უბრალო თუთიყუში კი არაა, „კაგებეს” არქივი იცის ზეპირად!

– კაი, მარჯვნივ რომ ზის, ის რა ღირს?

– ის გენაცვალე, 20 000 დოლარი ღირს, „ცეერუს” არქივი იცის ზეპირად!

– არ მინდა არც ეგ! აი, ის რა ღირს, ეგერ კუთხეში რომ ზის?

– ოო, ეგ 50 000 დოლარი!

– რა ამბავია? მაგან რაღა იცის ასეთი?

– ეგ არავინ იცის, მაგრამ ეს ორივე თუთიყუში მაგას „ბოსს” ეძახის!