კითხვა: როგორი ფერის სახის კანია აქტუალური 2015 წელს?
პასუხი: მოდის ტენდენციების მიუხედავად, ყოველთვის დადებითად ფასდება ჯანმრთელი, ნათელი სახის კანი. 2015 წელს კი მოდის მიმდევარ ქალბატონებს მოუწევთ, განსაკუთრებით მოუარონ კანს, რადგან, წინა სეზონებისგან განსხვავებით, წლევანდელი ტრენდი ფერმკრთალობაა. თუმცა სტილისტები მაინც გვირჩევენ ღაწვებზე ნაზი ვარდისფერი რუჟის გადასმას – თითქოს ახლა შემოხვედით ყინვიდან თბილ ოთახში.
თუ თქვენს კანს რამე ხარვეზი აქვს, მისი დაფარვა კარგი ხარისხის ტონალური კრემით შეგიძლიათ, რომლის ფერიც ზუსტად უნდა შეესაბამებოდეს თქვენის ახის კანის ბუნებრივ ფერს. იმისთვის, რომ ტონალური არ „ჩაეჭიდოს“ მიმიკურ ნაოჭებში, ის უნდა წაისვათ მსუბუქი დაჭერით, სახის ხაზების მიმართულებით.
კითხვა: რა ფერის „ჩრდილებია“ წელს მოდაში?
პასუხი: წელს მოდაშია თვალების „ჩრდილები“ შემდეგი შეხამებით:
ა) ყავისფერი, ჩალისფერი; ბ) ბორდო, ვარდისფერი; გ) ნარინჯისფერი, ყვითელი, ოქროსფერი; დ) ნაცრისფერი, ლურჯი; ე) ცისფერი, ვერცხლისფერი.