შოკოლადის ორცხობილა კარამელით
საჭირო ინგრედიენტები: 200 გრამი ფქვილი, 200 გრამი კაკაო, 100 გრამი შაქარი, 100 გრამი კარაქი, 1 ცალი კვერცხი, 1/2 ჩაის კოვზი მარილი, კანფეტი „ირისი“ (რბილი), – 150 გრამი, ფორთოხლის ესენცია, შაქრის პუდრი, ვანილი.
მომზადების წესი: შეეცადეთ, კარგი ხარისხის „ირისი“ იყიდოთ. თასში ჩაყარეთ ფქვილი, კაკაო, შაქარი, მარილი და ვანილი. დაუმატეთ ცოტა ფორთოხლის ესენცია – ფხვნილი (შეგიძლიათ, გამოიყენოთ ფორთოხლის წვენის დასამზადებელი ფხვნილი). ეს ყველაფერი კარგად ამოურიეთ; დაუმატეთ კვერცხი და დარბილებული კარაქი. მოზილეთ ცომი და გააჩერეთ სიცივეში ნახევარი საათი. გაყავით ცომი 21 ნაწილად. გააკეთეთ ბურთულები, შუაგულში ჩაუტენეთ შუაზე გაყოფილი „ირისის“ კანფეტი. შემდეგ ამოგანგლეთ შაქრის პუდრში და გამოაცხვეთ 180 გრადუსზე, 12 წუთის განმავლობაში. მიირთვით, როცა ოდნავ გაცივდება. ეს ორცხობილა ძალიან გემრიელია შემთბარი.