1 დეკემბერი

1835 – დაიბეჭდა ჰანს ქრისტიან ანდერსენის ზღაპრების პირველი წიგნი.

1887 – გამოქვეყნდა არტურ კონან-დოილის პირველი მოთხრობა შერლოკ ჰოლმსის შესახებ.

1891 – ამბობენ, რომ სწორედ ამ დღეს, ფიზკულტურის მასწავლებელმა ჯეიმს ნეისმიტმა გამოიგონა სპორტული თამაში – კალათბურთი.

1903 – ეკრანებზე გამოვიდა პირველი ვესტერნი – „მატარებლის დიდი ძარცვა“.

1918 – ისლანდია გახდა დამოუკიდებელი სახელმწიფო.

2 დეკემბერი

1697 – ლონდონში გაიხსნა წმიდა პავლეს საკათედრო ტაძარი.

1804 – ნაპოლეონი ეკურთხა საფრანგეთის იმპერატორად.

1805 – ნაპოლეონმა აუსტერლიცთან ბრძოლაში სასტიკად გაანადგურა ავსტრიისა და რუსეთის გაერთიანებული არმია.

1870 – რომი გახდა გაერთიანებული იტალიის დედაქალაქი.

1969 – „ბოინგ 747-ის“ პირველი ფრენა.

3 დეკემბერი

1818 – ილინოისი გახდა ამერიკის შეერთებული შტატების 21-ე შტატი.

1926 – აგათა კრისტი მოულოდნელად გაუჩინარდა. იგი 11 დღის შემდეგ იპოვეს. ამ დღეების შესახებ მას არაფერი ახსოვდა.

1984 – ინდოეთში, ქალაქ ბჰოპალში, ავარია მოხდა ქიმიურ ქარხანაში და მომწამლავი აირი ქალაქში „გაიპარა“. დაიღუპა 2 000, ხოლო საავადმყოფოში მოხვდა 20 000-მდე ადამიანი.

4 დეკემბერი

1680 – გადმოცემის მიხედვით, ამ დღეს რომში ქათამმა დადო კვერცხი, რომელზეც გამოსახული იყო კომეტა. მომდევნო წლის 16 ოქტომბერს კი კომეტა მართლაც გამოჩნდა ცაზე.

1735 – დაუნინგ-სთრით ¹10-ში მდებარე შენობა გახდა ინგლისის პრემიერ-მინისტრის ოფიციალური რეზიდენცია.

1918 – ვუდრო უილსონი იყო ამერიკის შეერთებული შტატების პირველი პრეზიდენტი, რომელიც ეწვია ევროპას.

5 დეკემბერი

1484 – გამოვიდა რომის პაპ ინოკენტი მერვის ცნობილი „ბულა”, რომლის მიხედვით, ინკვიზიტორებს ეძლეოდათ „ეშმაკთან კავშირში“ ეჭვმიტანილთა წამება-დაწვის სრული უფლება.

1766 – ლონდონში შედგა „კრისტის“ პირველი აუქციონი.

1854 – ბოსტონელმა არონ ალერმა დააპატენტა თეატრის სკამები დასაკეცი ზურგით.

1933 – ამერიკის შეერთებულ შტატებში გაუქმდა „მშრალი კანონი“. განგსტერების ერის დასასრულის დასაწყისი.

1936 – საბჭოთა კავშირში მიიღეს „სტალინური“ კონსტიტუცია.

6 დეკემბერი

1240 – მონღოლებმა ბათო ყაენის წინამძღოლობით აიღეს და ააოხრეს კიევი.

1534 – დაარსდა ქალაქი კიტო – დღეს ეკვადორის დედაქალაქი.

1768 – გამოვიდა ბრიტანეთის ენციკლოპედიის – „ბრიტანიკის“ პირველი გამოცემა.

1917 – ფინეთი გახდა დამოუკიდებელი სახელმწიფო.

1945 – დააპატენტეს მიკროტალღოვანი ღუმელი.

7 დეკემბერი

1678 – ლუი ჰენეპინი იყო პირველი ევროპელი, რომელმაც ნიაგარის ჩანჩქერი ნახა.

1732 – ლონდონში გაიხსნა სამეფო თეატრი – „ქოვენთ გარდენი“.

1941 – იაპონური ავიაციის თავდასხმა ამერიკის შეერთებული შტატების სამხედრო ბაზა პერლ-ჰარბორზე. ამ ინციდენტის შედეგად ამერიკა მეორე მსოფლიო ომში ჩაერთო.