ყველაფერში დამნაშავე ყველია

თუმცა ჯერჯერობით ჩვენ შორის სავაჭრო იდილიაა (რომელიც, არავინ იცის, როდემდე გასტანს), გასულ კვირას ჩვენებურ სულგუნს აეროპორტ „პულკოვოში“ ინციდენტი მაინც შეემთხვა.

კერძოდ, საქართველოს მოქალაქეს, რომელიც რფ-ში უკრაინიდან ტრანზიტით ჩაფრინდა, თან მიჰქონდა სულგუნი, არაქარხნულად დამზადებული და, როგორც რუსეთის „როსსელხოზნადზორის“ წარმომადგენლები იუწყებიან, არასათანადოდ შეფუთული, ზედაც – შესაბამისი ვეტერინარული დოკუმენტის გარეშე.

ხოლო, რაკი გარეშე, ბუნებრივია, „როსსელხოზნადზორი“ პროდუქტს, რომლის უსაფრთხოებაშიც დარწმუნებული არ იყო, ვერ შეუშვებდა რფ-ის ტერიტორიაზე – . ამიტომაც, საქართველოს მოქალაქეს ტვირთი ჩამოერთვა და ის სპეციალურ ღუმელში საზეიმოდ განადგურდა. 

ჩვენ, ბუნებრივია, ვერ მივედავებით ჩრდილოელ სანიტრებს (ვინაიდან რფ-ის მოქალაქეების ჯანმრთელობა უპირველესია!), თუმცა, ამის მიუხედავადაც, ისმის რიტორიკული აქცენტის ლეგიტიმური კითხვა: 10 კგ. სულგუნის ნაცვლად, „როსსელხოზნადზორის“ წარმომადაგენლებს მოქალაქისთვის 10 ლიტრი არაყი რომ ჩამოერთმიათ, მას თუ გადაუძახებდნენ უნიტაზში?! –