კითხვა: დავიბადე 1992 წლის 14 თებერვალს. მინდა უცხოეთში წასვლა. იქნებ, მირჩიოთ, ასტროლოგიურად რომელი მხარეა ჩემთვის განსაკუთრებულად მისაღები?

პასუხი: უცხოეთის ქვეყნებიდან თქვენთვის განსაკუთრებულად მისაღებია: გერმანია, მაროკო, უნგრეთი, ამერიკის შეერთებული შტატების დასავლეთი ნაწილი, აფრიკის ჩრდილო-დასავლეთი ქვეყნები, შოტლანდია, თურქეთი, ჰოლანდია, ახალი ზელანდია, ჩინეთი, იტალია და უზბეკეთი.

კითხვა: დავიბადე 1998 წლის 10 იანვარს, საღამოს 8 საათსა და 30 წუთზე. რომელი პროფესიებია ჩემთვის წარმატების მომტანი?

პასუხი: პროფესიებიდან თქვენთვის წარმატებების მომტანია: საბანკო, ეკონომიკური, სავაჭრო, საფინანსო სფერო, მედიცინა, პედაგოგიკა, ჟურნალისტიკა, რადიო, ტელევიზია, პრესა, სარეკლამო და საგამომცემლო ინდუსტრია, პოლიტიკის ფართო სპექტრი, სამხედრო სტრუქტურები, სამართალდამცავი ორგანოები, უშიშროების სფერო და საინჟინრო საქმე.

კითხვა: დავიბადე 1998 წლის 9 ივლისს, დილის საათებში. რა არის ჩემი კარმული მისია და რომელი ზოდიაქოს ნიშნის ქვეშ დაბადებულ ადამიანს დავუკავშირო ბედი?

პასუხი: თქვენთვის საოჯახო-სასიყვარულო თვალსაზრისით, მისაღებია ურთიერთობა: კუროს, ტყუპების, თევზების, მორიელის ან ქალწულის ზოდიაქოს ნიშნით დაბადებულ ადამიანთან. დედამიწაზე თქვენი კარმულ-კოსმიური მისიაა მეტად გამოავლინოთ დადებითი თვისებები ხასიათში, დაეყრდნოთ ინტუიციას, დაიცვათ საიდუმლო, გამოიჩინოთ დიპლომატიურობა ურთიერთობებში. ასევე, იყავით ორგანიზებული, დისციპლინირებული, შეუპოვარი, მიზანსწრაფული, მომთმენი, შრომისუნარიანი, პრაქტიკული, ფულის ყაირათიანად მხარჯველ-გამნაწილებელი, წინდახედული, ფრთხილი და სტაბილური. ეს წარმატებებსაც მოგიტანთ და კოსმიურ მისიასაც შეასრულებთ.

კითხვა: დავიბადე 1995 წლის 11 ნოემბერს, საღამოს 7 საათზე. რომელი ქვის ტარებას მირჩევთ?

პასუხი: თქვენთვის მისაღებია აქატის, მალაქიტის, აკვამარინის, საფირონის, ცირკონისა და ძოწის ტარება.

კითხვა: დავიბადე 1981 წლის 22 იანვარს. გთხოვთ, მითხრათ, რომელი ზოდიაქოს ნიშნით  დაბადებულ ადამიანთან გამიმართლებს ოჯახურ ურთიერთობებში?

პასუხი: თქვენთვის ოჯახური ურთიერთობების თვალსაზრისით, მისაღებია: მშვილდოსნის, სასწორის, ტყუპების ან ვერძის ზოდიაქოს ნიშნით დაბადებული ადამიანები.

კითხვა: ჩემი შვილი დაიბადა 2004 წლის 18 მაისს, დღის საათებში. თუ ელის წარმატებები ფეხბურთში და რომელი პროფესიაა მისთვის მეტად მისაღები?

პასუხი: გეტყვით, რომ მისთვის სპორტი დიდი წარმატების მომტანი არ იქნება, თუმცა ის არც ცუდია. შრომისმოყვარეობისა და შეუპოვრობის წყალობით, შესაძლოა, წარმატებებს მიაღწიოს. პროფესიებიდან კი მისთვის წარმატების მომტანია: რეანიმატოლოგია, სტომატოლოგია, ქირურგია, გინეკოლოგია, ფიტოთერაპია, სუჯუკთერაპია, ჰომეოპათია, სამართალდამცავი ორგანოები, საგამომძიებლო საქმიანობა, სამხედრო სტრუქტურები, საგადასახადო ინსპექცია, საბაჟო დეპარტამენტები, სადაზღვევო კომპანიები, მუშაობა კონტროლის პალატაში; აგრეთვე, წარმატებულია საბანკო, ეკონომიკური, სავაჭრო, კომერციული საქმიანობა, საფინანსო სფერო.