ჩვენი დროის ერთ-ერთი საუკეთესო მსახიობი მერილ სტრიპი არა მარტო მილიონობით ადამიანის კუმირია, არამედ, ამერიკის შეერთებული შტატების პრეზიდენტის, ბარაკ ობამას საყვარელი მსახიობიც.  ის, შეიძლება ითქვას, ჰოლივუდური ფილმების მეტრია – ფილმი, რომელშიც მერილ სტრიპი თამაშობს, აუცილებლად კარგია.

* ახალგაზრდობაში მერილი ოფიციანტად მუშაობდა ნიუ-ჯერსის ერთ-ერთ სასტუმროში და რვა მაგიდას ემსახურებოდა. „მე ვამაყობდი ამით. პრაქტიკულად, არაფერი შეცვლილა – ისევ რვა მაგიდა: ბავშვები, ბევრი ნათესავი, ბევრი საქმე... ჩემი ოჯახი და ჩემი საქმე – აი, ჩემი პრაიმი დღეს!“ – ამბობს მერილი.

* თრილერი „ველური მდინარის“ ბევრი სცენის გადაღება წყალქვეშ ხდებოდა. ერთხელ მერილი პირდაპირ ფსკერისკენ წავიდა. საბედნიეროდ, გადარჩა – მეთევზის ბადეში გაიხლართა... გონს მოეგო და მაშინვე განაგრძო გადაღება.

* მისთვის მისაბაძი მაგალითი იყო ფრანგი მსახიობი სიმონა სინიორე, რომელიც 1985 წელს, 64 წლის ასაკში გარდაიცვალა.

* იდეალური კოლეგა ჯეკ ნიკოლსონია. „საოცრად დამაჯერებლად თამაშობს თავის როლს – ისევე, როგორც სუნთქავს,“ – ასე აფასებს მას მერილი.

* სტრიპი ამბობს, რომ თავად ძალიან ჰგავს შონ პენს.

* 64 წლის მერილსა და მის ქმარს ოთხი შვილი ჰყავთ: ჰენრი, მერი, გრეისი და ლუიზა ჰამერები.

* ფილმისთვის „ეშმაკი ატარებს პრადას“, მერილმა 8 კილოგრამი დაიკლო. სხვათა შორის, ის ამ ფილმში პარიკითაა.

* მერილ სტრიპი „ოსკარზე“ 17-ჯერაა წარდგენილი და ამერიკული კინემატოგრაფიის ეს უმაღლესი ჯილდო სამჯერ აქვს მიღებული.

* პირველი „ოსკარი“ მერილს ტუალეტში დარჩა. 2012 წელს კი ხელიდან აღარ გაუშვია.

* მერილს მიაჩნია, რომ მისი სილამაზე განათებაზეა დამოკიდებული. 

* რამდენიმე ფილმში სტრიპი ლესბოსელს თამაშობს; ერთ-ერთ ცერემონიაზე კი სანდრა ბალოკმა გულიანად ჩაკოცნა ტუჩებში.

* „გულის მუსიკის“ გადაღებების დაწყებამდე, ფილმის მწარმოებელმა დაიქირავა მასწავლებელი, რომელიც ყოველდღე მიდიოდა მერილთან სახლში და ორსაათ-ნახევრის განმავლობაში ასწავლიდა ვიოლინოზე დაკვრას.

* გაცილებით ადრე, სანამ ფილმ „რკინის ლედიში“ მარგარეტ ტეტჩერის როლს შეასრულებდა, მერილმა აღიარა, რომ პოლიტიკისადმი გულგრილი არ არის.

* ბავშვობაში მერილი ინგლისის სამეფო ოჯახის წევრობაზე ოცნებობდა. ფიქრობდა, რომ, როცა გაიზრდებოდა, მოხიბლავდა პრინც ჩარლზს და არისტოკრატი გახდებოდა.

* მას არასდროს გაუკეთებია პლასტიკური ოპერაცია – ამბობს, რომ სახესა და სხეულს ამით არ გაიფუჭებს.

* მერილს უყვარს შინაურებთან ერთად სერიალ „ჭორიკანას“ ყურება.

* ქორწილის დროს მერილ სტრიპს პიროტექნიკის ცეცხლით დაეწვა ხელი და სტუმრების წინაშე განაცხადა, რომ იმავეს გაუკეთებს თავის მოქანდაკე მეუღლეს, თუ ის ცუდი ქმარი გამოდგება.

* მერილი ვეგეტარიანელია.

* ბრწყინვალე კარიერის განმავლობაში კოლეგებმა მას რამდენიმე მეტსახელი შეარქვეს: „ქალი ათასი სახით“, „მსახიობი – ქამელეონი“, „ოცნების ფაბრიკის” ყველაზე სერიოზული მსახიობი“.