საჭირო ინგრედიენტები: 250 გრამი კიტრი, 1 კბილი ნიორი, ნახევარი ლიმონი, 150 გრამი იოგურტი, 2 სადილის კოვზი ზეითუნის ზეთი, 2 ცალი ბულგარული წიწაკა, 1 თავი ხახვი, 250 გრამი პეკინური კომბოსტო, 1 სადილის კოვზი  სხვადასხვა სანელებლების ნაკრები (გემოვნების მიხედვით), მარილი, პილპილი და დაფქული წიწაკა – გემოვნებით.

მომზადების წესი: კიტრი გაფცქვენით, სიგრძეზე გაჭერით, თესლი ამოაცალეთ და მსხვილად გახეხეთ ან ძალიან თხელ, მოგრძო ნაჭრებად დაჭერით, მოაყარეთ მარილი და 15 წუთით დატოვეთ. ნიორი წვრილად დაკეპეთ, ლიმონი გამოწურეთ, შეურიეთ იოგურტი, 1 სადილის კოვზი ზეითუნის ზეთი, 2 სადილის კოვზი ლიმონის წვენი, დაფქული წიწაკა და მარილი. კიტრი გაწურეთ და შეურიეთ დანარჩენ ინგრედიენტებს. ხახვი გაფცქვენით. წიწაკას ამოაცალეთ თესლი. პეკინური კომბოსტო და გარჩეული ბოსტნეული თხლად დაჭერით. წიწაკა და სტაფილო დარჩენილ ზეთში 3-4 წუთი შუშეთ. დაუმატეთ ჯერ  კომბოსტო, ხოლო ორ წუთში – ხახვი და წვრილად დაჭრილი ნიორი. მოაყარეთ სანელებელი, მარილი, პილპილი და მოასხით  იოგურტის სოუსი დარჩენილ ლიმონის წვენთან ერთად.