საჭირო ინგრედიენტები: 1 ჩაის ჭიქა ფქვილი, 3 ცალი საშუალო ზომის კარტოფილი, 2 ცალი კვერცხი (1 ცალი – ცომში, 1 ცალი – ზემოდან წასასმელად), 500 გრამი ქათმის ფილე, 450 გრამი ქამა სოკო, 200 გრამი რბილი, მდნარი ყველი, 1 თავი ხახვი, 1 კბილი ნიორი, მარილი, ზეთი.

მომზადების წესი: შებრაწეთ ქამა სოკო ძალიან წვრილად დაჭრილ ხახვთან და დანაყილ ნიორთან ერთად. ფილე მოხარშეთ და დაჭერით ძალიან წვრილად, შეურიეთ სოკოს და დაუმატეთ მდნარი ყველი... კარტოფილი მოხარშეთ და გახეხეთ მსხვილკბილა სახეხზე, შეურიეთ კარგად გაცრილი ფქვილი, მარილი, კვერცხი და მოზილეთ ცომი, რომელიც თხლად უნდა გააბრტყელოთ პერგამენტზე. ამ ცომზე გაშალეთ ქათმისა და სოკოს სატენი და გადაახვიეთ რულეტივით, წყალში დასველებული ხელებით. ნაპირები შიგნით ჩაუკეცეთ.

რულეტი გადაიტანეთ ტაფაზე და ქვემოდან გაუფინეთ ცხიმწასმული გამოსაცხობი ქაღალდი. აცხვეთ 180 გრადუსზე 40 წუთის განმავლობაში. ძალიან მსუბუქია და გემრიელი, თან, ნაკლებად კალორიულიც, ჩვეულებრივ ცომიანი რულეტისგან განსხვავებით.