საკანცელარიო ყუთები – ბურღულის კოლოფებიდან

ეს ნივთები სამსახურშიც გამოგადგებათ და სახლშიც. რაც მთავარია, ჟურნალები, რვეულები, კალმები და წვრილმანი ნივთები ყველგან აღარ ეყრება და ნერვებსაც არ მოგიშლით. ამის გაკეთება საკმაოდ ადვილია და ბევრი არაფერი დაგჭირდებათ. მხოლოდ წებო და ლამაზი შესაფუთი ქაღალდი: ბურღულის კოლოფს მოაჭერით გვერდი ისე, როგორც ეს სურათებზეა ნაჩვენები, მერე კი გადააკარით შესაფუთი ქაღალდი. შეგიძლიათ ყუთებს სხვადასხვა ფორმა  მისცეთ, გააჩნია, რის ჩასაწყობად გამოიყენებთ.

სარკე –ზაფხულის საჩუქარი

თუ ზღვაზე დაისვენებთ, „სამუშაო მასალა“ საკმარისზე მეტი გექნებათ. ამ ნივთის დასამზადებლად შეგიძლიათ გამოიყენოთ წვრილი და მოზრდილი, სხვადასხვა ფერის ნიჟარები, ლამაზი, ჭრელი ქვები და მძივები და უბრალო ჩარჩოში ჩასმული სარკე რამდენიმე წუთში ულამაზეს, ეგზოტიკურ სამშვენისად იქცევა. უბრალოდ, დახედეთ სურათებს და თავად მიხვდებით, ეს როგორ უნდა გააკეთოთ.